Ori Nebiaj për politikën dhe filizat e reja të dashurisë

Vajza e mëngjesit Ori Nebiaj

Fushatën në PD e Bëra me të rinj jo partiak, kam ca filiza të rinj dashurie

Në politikë, por edhe në ekran. Në biznes dhe strukturat e larta të Partisë Demokratike. Vjeshta e vrullshme e Ori Nebiajt, ambicjet e të cilës shkojnë shumë më larg sesa vetëm një riaktivizim i përkohshëm në jetën politike

Sapo ka dalë nga takimi me stafin e emisionit “Wake Up” dhe të rejat e sezonit televiziv që nis së shpejti, janë lajmet i para për të cilat mund të tregojë me qejf. Ori Nebiaj nuk u shkëput as këtë verë nga ekrani i Top Channel, e ndoshta sa i takon emisionit të saj veror edhe mund të ketë ndryshime deri vitin tjetër. Ama për emisionin e mëngjesit, nuk ka asgjë për të shënuar. As tërheqje e as ndryshim ekrani. Do të jetë edhe këtë sezon, çdo mëngjes me Isli Islamin dhe, pavarësisht se ka 4 vjet që jeton të njëjtin ritual, ky është një impenjim që ende e gëzon. Të paktën edhe për këtë vjeshtë, ky është vendimi i Orit, pavarësisht se nuk i kanë munguar ofertat nga ekranet e tjera për formate televizive më të rëndësishëm se emisioni i mëngjesit me të cilin është identifikuar këto vitet e fundit.