Shën Valentini i doktor Skerdit, për herë të parë rrëfen dashurinë që lindi në bankat e shkollës

Doktori i VIP-ave, mjeku Skerdi Faria është gjithashtu mjaft i njohur në rrjetet sociale, por gjithmonë diskret sa i takon jetës private dhe familjare. Por tashmë ka bërë një përjashtim dhe ka ndarë për herë të parë detaje nga jeta personale. Baba i dy fëmijëve të rritur, mjeku ka rrëfyer në një studio televizive edhe historinë e tij 37-vjeçare të dashurisë, që ka marr udhë në bankat e shkollës së mesme në qytetin e Ballshit. “Jemi njohur në bankat e shkollës, në shkollë të mesme. Unë jam rritur në Ballsh, kam lindur në Tiranë. Në moshën 2 vjeçare, prindërit e mi më sollën në Ballsh sepse kanë qenë mësues të dy. Dhe ajo vinte nga një fshat i Fierit, në Topojë quhet fshati, vjen në Ballsh për të studiuar, për të bërë shkollën e mesme tek halla e saj. Ka ardhur dhe me vonesë në shkollë, nuk ka ardhur me datë 1 shtator, por e ka filluar nja dy javë më vonë. Krijoi një farë antipatie ndaj meje, nuk e di se për çfarë arsyeje. Nuk është se na ngjiste muhabeti si shokë klase, që ishim; ishim kalamaj. Pastaj në moshën 16-vjeçare, gradualisht filloi duke i pëlqyer unë. Nuk e harroj, pastaj mësuesët na ndryshuan. Mësuesi kujdestar na ndryshoi bankat, na vuri të dyve në një bankë, në bankë të fundit. Aty u çukulepsëm më tepër, si i thonë asaj pune”, ka treguar Faria i buzëqeshur. Ai ndan gjithashtu edhe momentin e puthjes së parë, që ndryshe nga sa mund të mendohet, ka qenë në faqe. “Mbaj mend që në moshën 16-vjeçare i kam dhënë të puthurën e parë në faqe. E kupton, si hu. Edhe që aty ka nisur rrugëtimi ynë bashkë, pastaj në shkollë të lartë, ajo vazhdoi për mësuesi në Gjirokastër, kurse unë për Fakultetin e Mjekësisë në Tiranë. Ka qenë viti ’89 kur filluam shkollën e lartë. Atëherë ishte një tren që vinte nga Tirana në Fier, pastaj nga Fieri në Ballsh një tren tjetër dhe nga Ballshi për në Gjirokastër ishte një autobus. Nga Tirana deri në Gjirokastër, ose anasjelltas, ishin nja 10 orë të mira rrugë, a mos më tepër. Edhe takoheshim rrallë me thënë të drejtën, prej largësisë, mundësisë financiare, se atëherë nuk kishte as hotele”, tha Faria. Doktor Skerdi ka treguar se martesa e tyre erdhi në vitin 1996, ndërsa në vitin 1997 ai u largua drejt Italisë ku pak kohë më pas arriti të merrte edhe bashkëshorten. Në Itali lindën edhe dy fëmijët e tyre, vajza në 2001-shin dhe djali në 2006-n. “Janë lindur dhe janë rritur atje. Fryti i dashurisë”, tha Faria. “ Jam i dashur, por jo romantik. E harroj datën e Shën Valentinit” Edhe pse i dashuruar shumë i ri, Faria tha se nuk është romantik në kuptimin klasik të fjalës dhe se madje, edhe ditëlindjen e nënës së tij, ja kujton bashkëshortja. “Jam i ëmbël, jam i dashur, nuk jam romantik në kuptimin e vërtetë të fjalës, që sjell lule e dhurata. Unë për Shën Valentinin, shpesh harroj datën. Ime bijë vit për vit më çon mesazh dhe më thotë që sot është Shën Valentini, ose nesër është Shën Valentini, sepse ime shoqe i ka qejf këto gjëra”, tregoi Faria. Megjithatë ai tha se vitin e kaluar, kishte shfaqur një anë romantike të tij për ta surprizuar bashkëshorten. “Vjet u tregova shumë romantik. Isha në Kosovë me time shoqe sepse kisha punë me klinikën në Prishtinë dhe u solla si gjithmonë (është mëse normale që të harroj 14 shkurtin). Bëra sikur harrova, kishin porositur gocat e stafit dhomën e hotelit dhe aty e kishim mbushur me lule, me petale dhe bashkëshortja sa hapi derën u kënaq”, tha mjeku duke qeshur.

Shën Valentini i doktor Skerdit, për herë të parë rrëfen dashurinë që lindi në bankat e shkollës

Artikuj të ngjashëm Artikuj

Shaban Murati: Fjalët e fundit të një diplomati për Kombin

Mbesa e inxhinierit beratas të Harvardit që sfidoi Otranton me not

Timo Flloko, shkëlqimi që erdhi nga “Anës Lumenjve”

Në jetën e re të produksionit

“Lulëkuqet mbi mure”, dhe historia e vërtetë e Reshatit rrëfyer nga mbesa

Aurora Dibra nxjerr nga “Kutia e Errët” historinë tragjike të jetës së saj

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Shën Valentini i doktor Skerdit, për herë të parë rrëfen dashurinë që lindi në bankat e shkollës

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?