Nxjerrja e pagave, cili është dëmi ekonomik?

Më 21 dhjetor 2021 në mbrëmje, përmes aplikacionit të telefonisë celulare “Whats’App” qarkulloi publike (mund ta merrte çdokush që ka telefon celular inteligjent) një bazë të dhënash (në anglisht “database”) e 637,183 qytetarëve tanë, me numrat e tyre të kartës së identitetit, numri i NIPT po të kishte biznes të vetin, emër, mbiemër, si dhe rroga që çdo qytetar ka marrë në muajin janar 2021. Bëhet fjalë për shumicën dërrmuese të punonjësve të rregjistruar sipas ligjeve në fuqi, të cilët punojnë në shtet dhe në sektorin privat. Më 22 dhjetor, një ditë më vonë, publikohet një tjetër listë po në formatin Excel, kësaj rradhe me rrogat e prillit 2021 dhe me të dhënat private dhe të ndjeshme të 694,473 qytetarëve shqiptarë, rreth 60 mijë më shumë se lista e janarit.