Nuk ikën vapa “me gushtin”

Jemi në ditët e fundit të stinës më “relaksuese” të vitit, por nëse jeni bërë nostalgjik për dy muajt e parë të verës që shkuan “sa hap e mbyll sytë” ndryshoni mood. E kam me ju që keni vendosur t’i bëni pushimet në fundgusht ose në shtator, por edhe ju që i keni përfunduar pushimet verore, pasi mund të organizoni ”tripe” të shkurtëra në fundjavë dhe t’i shijoni si copa e fundit e ëmbëlsirës, e cila gjithmonë shijon më shumë. Temperaturat janë goxha premtuese edhe në muajin e ardhshëm, për të vazhduar me ngjyrat dhe printet verore, por nëse jeni lodhur me ngjyrat e forta “përqafoni” ngjyrat pak më të hapura që duken aq bukur nëse keni marrë rreze dielli. MOS HARRONI, vapa nuk ka “ndërmend” të shkojë bashkë me gushtin, ndaj vëreni në punë imagjinatën për të kombinuar veshjet e juaja të preferuara në ditët me diell. Nëse do t’i referohemi blogereve më në zë të modës, nuk do ta heqim kapelen kauboj MIU MIU nga koka dhe fustanet me thurje në bregdet. Por sa komode do të ndihej një grua nëse e gjen veten me të njëjtin outfit me një grua tjetër në një “ Beach Bar” ??? Të gjitha e dimë përgjigjen. Fashion Bomb ju rendit disa këshilla për outfitet më IN të momentit, mbetet në dorën tuaj për të “rrëmbyer” atë që ju shkon më shumë dhe mbi të gjitha të ndiheni vetvetja.

Fustanet e tre stinëve