Nostalgjia e “burgut të kadifenjtë”

Disa lajme trondiste mbi fatin personal të një prej këngëtareve të sukseshme të muzikës së lehtë, të viteve 1980-1990, e mirënjohur për zërin dhe performancat  e saj në dekadën e fundit të regjimit komunist sollën një joshje nostalgjike për të kaluarën tonë, të cilën ende edhe pas 30 vjetësh nuk e kemi zbërthyer ashtu siç duhet.

Për këngëtaren në morinë e lajmeve, u njohëm edhe me postimin në median e Autoritetit për Informim mbi Dosjet e Sigurimit të Shtetit, të një dokumenti arkivor të datës 21 mars 1989, ku rregjistrohet një akt i pazakontë, rebelues për Shqipërinë komuniste, i një grupi vajzash dhe djemsh, të cilët prishin qetësinë e Qytetit Studenti me protestën dhe thirrjet e tyre “Artet janë bota!”, “Viva Parashqevi, viva!”, “Poshtë fashizmi!”, “Eja mblidhuni këtu!” duke alarmuar liderin e fundit komunist.