Një “sprovë” për Ministrin e ri!

Për herë të parë, një ministër i Brendshëm ka një formim arsimor në fushën e sigurisë, e duket se kjo nuk është thjesht një lëvizje politike, por edhe një provë e Kryeministrit. Në pragun e zgjedhjeve të 2025-ës, ku maxhoranca kërkon një mandat të katërt, ministri i ri i Brendshëm u mendua teknik, për të mos patur një përplasje me opozitën, dhe jo një figurë politike e cila do të krijonte përplasje. E parë në këtë mënyrë duket si një bast i Kryeministrit për rendin dhe sigurinë publike. Kjo është hera e dytë që vendi ka një ministër të Brendshëm, i cili nuk është deputet dhe nuk vjen nga rradhët e organizatës politike. Që në marrjen e detyrës, ai e gjen organizatën e policisë me një ligj të ri. Që në ditët e para, vendos të largojë nga detyra Drejtorin e përgjithshëm të Policisë së Shtetit, Muhamet Rrumbullakun, që në fakt ishte i pakontestueshëm nga opozita dhe hap garën për drejtorin e ri. Edhe pse mes thashethemesh se cili do të marrë këtë detyrë, komisionit përzgjedhës, i duhet patjetër që në kandidaturën që do të çmojë si më të mirën, duhet të ketë parasysh edhe moskontestimin nga opozita, e cila në një disavantazh politik, nuk do të pranonte një emër që nuk ka shërbyer gjatë mandateve të saj 2005 - 2013. Në një pamje të parë duket se ministri i ri i Brendshëm i bëri një shkundje policisë së shtetit duke lancuar në të njëjtën ditë edhe garën për drejtorin e ri, por edhe garën për drejtorët e qarqeve duke deklaruar se duhet të hynë edhe ata në një konkurrim. Duke mos qenë politikan ky ishte një nxitim i tij, duke i lënë në detyrë të përkohshme, dhe duke trasmentuar për pjesën më të madhe të organizatës një pasiguri. Nuk do të ishte e tillë, nëse sërish do të kishte një riciklim të tyre dhe nëse do të ndodhte kjo, thjesht do të ishte një minus i madh për të. Po kjo i përket çështjeve të politikave që mazhoranca socialiste do të ndjekë mbase për herë të parë në promovimin e figurave të reja në polici, pasi në 12 vjet, ka qenë stoike në vetëm qarkullimin e drejtuesve policorë, të cilët kanë qenë edhe njerëz të besueshëm brenda organizatës së saj politike, me ndonjë përjashtim të vogël. Në planin operativ nga një ministër teknik me profesion policor pritet shumë. Ai e merr në fakt detyrën nga një paraardhës, i cili ngulmoi në tre pika: sigurinë në shkolla dhe shkatërrimin e çdo rrjeti sado të vogël droge, reformimin e strukturës së policisë dhe ligjin e ri, dhe ajo që ishte më e rëndësishme lobimin e tij politik me Emiratet e Bashkuara Arabe, duke kryer edhe ekstradimet e para që nuk ishin vetëm një tabu, po ishin kthyer në ngërçin më të madh të sigurisë dhe rendit në Shqipëri. Ministri i ri gjendet përpara një sfide të madhe, se çfarë direktive operative do të japë në terren, si një pjesë e formimit të tij arsimor. Ai e gjen vendin, me një pjesë të madhe të organizatave kryesore kriminale në vend të shkatërruara, pas urdhër arresteve të SPAK-ut, por edhe në një situatë, ku grupet kriminale po përpiqen të gjejnë aleanca të reja pas goditjeve që kanë marrë, dhe aleancat e reja mund të rrezikojnë të jenë me fuqi të madhe. Ky është një moment kritik për situatën e sigurisë në vend, sepse nëse do të sulmoheshin që në fillesat e tyre të para këto aleanca, do të jenë të vështira për tu goditur më vonë. Si një njohës i mirë i disa gjuhëve të huaja, dhe një shkollimi jashtë vendit, kjo mund ta ndihmojë me partnerët, por mungesa e theksuar e të qënit një politikan mund t’ja vështirësojë atij një komunikim të tillë, që është i domosdoshëm. Dhe sfida më e madhe është ajo e menaxhimit të kohës zgjedhore dhe paszgjedhore në vend. Opozita po shkon me një minus të madh për t’u përballur në zgjedhjet e reja dhe në terren përplasja e saj me policinë do të jetë akoma edhe më e madhe, për çdo pakënaqësi që mund të krijojë në tensionin e ditëve që presim. Dhe e fundit - por jo për nga rëndësia, - atë e pret sfida e madhe që kurrkush nuk po i jep dot një zgjidhje: një perceptim i përgjithshëm, për korrupsionin brenda rradhëve të policisë. Akuzat e kreut të SPAK Altin Dumanit, edhe pse të bëra kohë më parë ngelen në fuqi, dhe vetpastrimi i ofruar si një zgjidhje nuk dha rezultat. Dhe kjo është ajo që po vuan më shumë policia në këtë kohë, inkriminim, korrupsionin dhe dekonspirimin e aksioneve.

Një “sprovë” për Ministrin e ri!

Nga Sokol Bregu

Artikuj të ngjashëm Artikuj

SHAMIZEZAVE, NË 80-VJETORIN E ÇLIRIMIT

Unë jam me doktorët!

Faleminderit!

Braktisur…

Ti Shqipëri më jep nder!

Mitingu me të papërzënshmit e Athinës

Artikujt më të lexuar

Çfarë ka Akoma për Rozana RADIN!

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Një minoritet i braktisur rreth Buretos në Përmet

ERVIN SALIANJI, politikani që u “burgos” prej fjalës

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

KUR ARTISTI RRËFEN DHUNËN/ Serbia e ka humbur Kosovën që në 1989-ën

Kapodistria, kush ishte Gjon Gjika, presidenti i parë i Greqisë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Një “sprovë” për Ministrin e ri!

Nga Sokol Bregu

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?