NEWSBOMB.al do të jetë BOMBË! Pse na duhet kjo REVISTË

“Je e çmendur” ? Më pyeti në mënyrë retorike një kolegu im ndërsa po i tregoja gjithë pasion idenë e publikimit së revistës NEWSBOMB.al, si një hapësirë komunikimi të përmuajshme me investigime, reportazhe, intervista, dossier, kulturë, art, sport e argëtim. Isha gati pa frymë ndërsa shpjegoja me duar e me fjalë se ç’do të thoshte për ne gazetarët, shfletimi i një gazete e reviste, për të pasur në brendësi informacione që nuk i gjen ndërsa shkon poshtë e përpjetë me gisht në ekranin e vogël të celularit, për të parë se ç’kanë shkruar në facebook, twitter apo ç’foto janë hedhur në Instagram e Tik Tok. Hapësirat e komunikimit janë shtuar shumë gjatë kësaj dekade, me social media, apo median online. Vetë Newsbomb online përpiqet tash 6 vjet, për të sjellë te lexuesit informacionin e fundit, ngjarjet në kohë reale, por, pa u dhënë një orientim për të ndarë se cili informacion është më i vlefshëm e që ndikon drejtpërsëdrejti në jetën e tyre, e cili informacion, është argëtues. Kemi kaq shumë nevojë për të shfletuar faqet e një reviste, të shohim një shkrim të kompletuar me dokumente, intervista, burime që citohen dhe ata që duan të ruajnë konfidencialitetin; kemi shumë nevojë të dalim jashtë kornizave të një lajmi me tre paragrafë të cilit i lexojmë vetëm titullin që jo në pak raste është i ndryshëm nga përmbajtja e tekstit (të kuptohemi, kjo ka ndodhur edhe te newsbomb online dhe ne përpiqemi ta korrigjojmë). Ndaj revista NEWSBOMB.al që vjen sot në duart e lexuesit, si një revistë e përmuajshme, me 80 faqe, do na japë pak nga të gjitha këto. Për aq sa mundësi dhe buxhet kemi. E dimë që do të përballemi me vështirësi, më së shumti financiare. Por unë jam shpresëplotë, se lexuesit, nëse do t’u japim një produkt të mirë, do të jenë kontributorët kryesorë të suksesit. Në këtë rrugëtim, do kemi nevojë për kontributin e të gjithëve, me vërejtjet dhe sugjerimet e tyre. Ndaj kemi ndarë me ju postën tonë elektronike dhe numrat e telefonit, të na shkruani, e të bëheni pjesë e jona. Dhe në mbyllje do citoj një tjetër koleg timin që më sugjeroi: “varet se ç’profil do t’i japësh revistës: nëse në fokusin tënd nuk do jetë Rama, Basha dhe Veliaj, zor se do të kesh sukses”. Në fakt, nuk është se zgjohemi me një plan se kujt do “t’i biem sot”. Në këtë revistë, do të gjeni nga të gjitha: këtë numër e kemi filluar me historitë e një kryebashkiaku që sipas KLSH e ka bërë baltë; e vazhdojmë me përplasjet e nëndheshme brenda PS, e ju bëjmë një prezantim ndryshe të qeverisë së re; Nga kronika kemi zgjedhur një temë jo pak të diskutuar për trafikun e kokainës në vend; Investigimi ekonomik vjen për miliardat e humbura nga “ari i zi” i Shqipërisë e për personazhe, kemi zgjedhur Visar Zhitin e Ori Nebiajn; deklasifikimi i dosjes së TVSH na sjell historitë me spiunë mes gazetarëve në kohën e komunizmit, me dëshmi të kohës dhe të sotme; ndërsa krizën e së djathtës, na e tregon shumë mirë politologu Afrim Krasniqi. Ne pritëm këtë vit afganët në Shqipëri, por në ’91, nëpërmjet dokumenteve dhe fakteve të kohës, gazetari vlonjat Ergys Alushi na tregon eksodin e vështirë; Ndërsa Esmeralda Keta na sjell të pathënat e biznesit të “after school” në Shqipëri; Superliga ka filluar prej 10 ditësh, ndeshjet e para të futbollit kanë dhënë pikët e para, por a e dini sesi paguhen lojtarët tanë? Gazetari Retin Toka na sjell një investigim për superligën shqiptare… Pra, keni ç’të lexoni plot kuriozitet. Falenderoj stafin që punoi me përkushtim për realizimin e këtij numri të parë. E po ashtu, falenderoj edhe ato biznese që na besuan partneritet që në krye të herës, pa e parë ende produktin në treg. Nuk do t’ju zhgënjejmë. Faleminderit!

NEWSBOMB.al do të jetë BOMBË! Pse na duhet kjo REVISTË

| Nga ANILA BASHA

Artikuj të ngjashëm Artikuj

Po ku ka si TI o Shqipëria Ime!

Hi, Mr. Terrorizmi! Je nga Gaza apo Ballkani?

Kombëtarja, “pandemia” kuqezi

Manuali i Korrupsionit të një pushteti të babëzitur

Kur(h)ti në fatin e qëndrestarit pa perspektivë

The game is over

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

“Krenaria e Kuçovës”, uzina e “shqiponjave” në qiell

Aldor Nini, grabitqari i artit shqiptar dhe fjalës së lirë

Mario Ashiku, një dashuri, shanse të dyta dhe një jetë e jetuar bukur (si vetë ai)

Inva Mula: Unë sopranoja e parë shqiptare në skenat evropiane

“Uno kryqzimo”, kush është lushnjari që bëri “Gol” me banderolën

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

NEWSBOMB.al do të jetë BOMBË! Pse na duhet kjo REVISTË

| Nga ANILA BASHA

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?