Lajme nga fronti i demokratëve; Sali Berisha nuk ikën, Lulzim Basha nuk ikën!

Ajo që u pa pardje, më 18 dhjetor, me gjithë përmasat dhe ngarkesën e fortë politike, ngjan se do të jetë thjesht një nga betejat e një lufte të gjatë që do të vijojë në PD përgjatë gjithë vitit të ardhshëm. Edhe pse mbështetësit e Sali Berishës konfirmuan vendimin për shkarkimin e Bashës me referendumin një anëtar një votë, dhe në anën tjetër, Lulzim Basha, në të njëjtën korsi, gjeti forcat për t’u votëbesuar dhe ecur përpara me Kuvendin e thirrur prej tij, sërish ky nuk është një kulm, por vetëm fillimi. PD do të njohë edhe ditë më të vështira e më të ftohta se të këtij dhjetori, ku për herë të parë demokratët nuk festojnë ditën e lindjes së forcës së tyre politike, por shohin se si ajo po ndahet gjithnjë e më shumë në dy blloqe, që nuk kanë lënë më asnjë mundësi komunikimi mes vedi. Më 11 dhjetor, për një moment u duk sikur Lulzim Basha mori mandatën. Po ai qëndroi madje duke i shtuar vendosmërisë edhe disa akte, me përjashtime të lojtarëve kyç të foltores, apo me dënimin me rezolutë të lëvizjes së doktorit. Dy gjëra dihen sot, në këtë kaos demokrat me 1 mijë të panjohura. Lulzim Basha nuk ikën, dhe e dyta, Sali Berisha nuk ikën. Kush e zgjidh? Cila instancë, cili verdikt e ndan këtë gjë? Ata që i njohin mirë zhvillimet në PD e dinë mirë se Sali Berisha nuk do ta dërgojë çështjen nëpër gjykata, pasiqë ai nuk dëshiron që forca ku ai ishte themelues të marrë edhe më shumë goditje në procese të tilla që mund ta bëjnë të gjithën, të duket burokratike, si luftë sindikatash fantazëm për zyra e vula. Më e mundshmja është që lideri historik të vazhdojë të mbajë të lartë presionin ndaj Bashës, ku në lojë do të futen edhe protestat popullore, në mënyrë që kreu i PD të ngjajë gjithnjë e më shumë i vetmuar, dhe përherë e më tepër i izoluar. Në kuptimin, larg njerëzve, larg gjindjes opozitare. Nëse këtu do të futen në lojë edhe 6 bashkitë, poqese do të kemi zgjedhje atje, dhe me gjasë në këto kushte PD dhe Basha nuk do të dilnin mirë, atëherë trysnia ndaj krydemokratit do të arrinte pikun. Në këtë mënyrë, Berisha shpreson se ai nuk do të mund të vijojë më tutje, e të largohet vetë. Vijmë këtu tek pika e fortë e ish-kryetarit dhe ish-kryeministrit. Që janë njerëzit. Berisha arriti të mblidhte mijëra në Kuvendin e 11 dhjetorit, dhe nga ana organizative, pati një realizim mjeshtëror, edhe pse koha nuk qe aspak e favorshme, me shi dhe shtrëngata. Megjithatë, turma pa fund demokratësh ju përgjigjen dhe e mbushën stadiumin më të madh në vend. Lideri historik ndoshta mendon se dita do të vijë kur pasuesit e tij të jenë edhe më të shumtë në sheshet e protestave, dhe ky realitet politik, ky mandat, do të peshojë më tepër se legaliteti, ligjshmëria statutore dhe institucionale, çka është sot pika më e fortë e Lulzim Bashës, rrënja ku ai qendron në këmbë. Delegatët, a folën? Eshtë gati e pabesueshme, se si të dy palët e kanë vendosur gurin e themelit tek delegatët e Kuvendit, tek e njëjta trupë. Edhe pse thuhet me të drejtë se kishte 2 të këtillë, në thelb, ata që folën janë të njëjtët. Sepse janë ata, të mandatuarit e forumit më të madh që u mblodh në Qershor, kur Basha dhe Berisha ishin ende bashkë, madje edhe afër njëri tjetrit në karriget e Pallatit të Kongreseve. Berisha ka shpallur emrat e delegatëve, dhe ka bërë transparencë, e kjo është e pamohueshme. Por, edhe Basha ka mbledhur pardje, në Kuvendin e tij, delegatët që i duhen për të marrë vendimet që mori. Atëherë, cilët delegatë folën? Cilët njihen? Nuk ka asnjë diskutim, se salla e dy ditëve më parë do t’i rrinte shumë ngushtë përkrahësve të Berishës, i cili zgjodhi një stadium 18 mijë stolash për eventin e tij. Por përtej kësaj, përtej asaj që shihet me sy, Basha ka arritur ta ketë tashmë si argument, ta fusë në dosje, se Kuvendi i tij ishte legjitim dhe u shpreh. A do të mjaftojë Uashingtoni? Eshtë e dukshme se pika më e fortë në qendresën e Bashës është mbështetja amerikane. Qendrimeve të ashpra, dhe të paekuivok të ambasadores Kim, haptazi kundër Sali Berishës dhe në favor të Bashës, iu shtua me 9 dhjetor edhe zyrtari i lartë i Departamentit të Shtetit, Escobar. Zv-Ndihmës Sekretari i Shtetit, u shpreh dy ditë para Kuvendit të Sali Berishës, se SHBA nuk do të takoheshin kurrë me të, dhe se PD duhet t’i bëjë mirë llogaritë nëse e risjell në krye. Në Tiranën tonë politike, kjo do të mjaftonte për të përcaktuar kursin e ri të politikës, për të vendosur se cilët janë lojtarët që vazhdojnë, e cilët dalin nga fusha. Mirëpo, Sali Berisha nuk impresionohet më. Foltoret vijojnë, njerëzit rreth tij shtohen. Një fenomen krejt i ri në skenën e këtyre 3 dekadave. Incidentet s’mund të përjashtohen Institucioni i ngritur nga Kuvendi i Berishës, që është Komisioni për Rithemelimin, që do ta drejtojë sipas këtij akti partinë deri në zgjedhjen e organeve dhe kryetarit të ri, ka nisur ta ushtrojë aktivitetin. Berisha është shprehur se godina u përket anëtarëve të partisë, dhe disa prej anëtarëve të këtij organizmi thanë se atje do të mblidhen. Afërmendsh që më i kujdesshmi që të mos ketë incidente apo përplasje në oborrin e selinë e PD është Sali Berisha pasi e di mirë se çdo lloj manifestimi dhune do t’i faturohej atij. Por, ndonjë përplasje do të jetë e paevitueshme, sado danezë të jenë rivalët tashmë armiq, nëse do të sillen nëpër të njëjtat ambjente e në të njëjtat koridore. Këto shkëndija do të ishin padyshim fatale, pasi mund të sjellin efekt domino, edhe në vende e struktura të tjera. Për më tepër, se, ka shumë prej faktorëve më të rëndësishëm të foltores, të cilët janë po ashtu pjesë e forumeve që drejtohen nga Basha, si fjala vjen grupi parlamentar. Përmendim këtu, Nokën, Bylykbashin, Këlliçin, Spahon, Shehun, apo Palokën. Prania e tyre njëkohësisht në mbledhjen e Berishës, e po ashtu në ato të Bashës, do të jetë e mjaftueshme për të patur debat, konflikt, e konfrontime të nxehta. A do të ringrihet dot dokori nga hiri? Ishte në foltoren e Korçës kur mori buqeta lulesh për 77 vjetorin. Edhe pse kjo është një moshë e konsiderueshme, Sali Berisha po shfaq vitalitet. E mori gjithë Shqipërinë nga veriu në jug për dy muaj, takoi mijëra vetë, dhe shenja lodhjeje nuk duken tek ai. Ka krijuar një fugë të madhe energjie, dhe kjo tashmë është fakt. Po deri ku mund të shkojë doktori? A do të mund të ringrihet sërish nga hiri? Eshtë shumë e vështirë për të thënë po, nëse rendit rrethanat dhe faktet historike. Ama, të bën të besosh se kjo mund të ndodhë, kur sheh atë çka ai prodhon çdo ditë. Entuziazëm, frymë, dhe përherë e më shumë të rinj, burra e gra që nëse nuk i shkojnë pas, e pranojnë vetë me veten se ai është interesant. Nuk të lë indiferent Sali Berisha, të angazhon. Komunikimi, mesazhi, forca e fjalës, garancia që jep se e bën atë që thotë, dhe se e çon deri në fund çka ka nisur, i bën demokratët po edhe shqiptarët të hedhin sytë nga ai. Guri që ka mbi kokë kësaj radhe është goxha i rëndë. Të kesh një vendim të Uashingtonit që të kërkon të qendrosh në shpi, që nuk të lejon të shkelësh në tokën më të rëndësishme në glob, nuk është pak. Sado ta relativizosh, është e paimagjinueshme që në një vend si ne, të ecësh përpara, të kesh sukses, apo të vish në pushtet, me Amerikën kundër. Të hidhëta dhe më të ashpra mund të jenë në vijim qendrimet përtej Atlantikut, dhe me gjasë, ato, herët apo vonë do të arrijnë të ndikojnë edhe më të zjarrtët pro-Berishës. Lideri historik e ka shpallur se do të kapërxejë dy shkallë, duke u bërë padyshim atleti më i fuqishëm i politikës tonë ndoshta që nga koha e themelimit të shtetit, nëse kjo do të ndodhë. Shkalla e parë, rimarrja e PD-së. E dyta, rrëzimi i Ramës dhe rikthimi edhe një herë në zyrën më hijerëndë e të fuqishme të vendit, që është Kryeministria. Edhe ai që nuk ka asnjë dyshim se tashmë Berisha e ka marrë PD-në, kur vjen puna për të fituar edhe një herë zemrat e popullit dhe për të marrë zgjedhjet, i mbledh buzët, pasi nuk e vendos dot këtë bast. Edhe në konkuroftë me legjendat tona, ardhja e Berishës s’do të mund të jetë si e Konstandinit. Do të jetë përgjysëm. Njërën shkallë mundet ta kalojë. Tjetrën, atë të rikthimit në krye të punëve të vendit, pothuajse e pamundur. Por Berisha vetë është lexuesi më i saktë i tendencave të publikut dhe opinionit. Në gjysmën e rrugës, nuk është çudi që ai të nxjerrë një tjetër aktor, për ta kapur finishin.

Lajme nga fronti i demokratëve; Sali Berisha nuk ikën, Lulzim Basha nuk ikën!

Artikuj të ngjashëm Artikuj

Bajram Begaj, Si e shohin ekspertët dhe miqtë Presidentin e ri

Ringjallja e Doktorit, një protestë korriku që lajmëron vjeshtën e nxehtë politike

Ilir Meta, dollia e fundit politike

Këlliçi & Shehaj PD humbi inovatorët, Berisha humbi “oksigjenin”

4 KRYEMINISTRA SHQIPTARË NË BALLKAN, Rastësi apo skenar?

“Non grata”? Tronditja amerikane për Shqipërinë

Artikujt më të lexuar

Ilir Meta, dollia e fundit politike

Bajram Begaj, Si e shohin ekspertët dhe miqtë Presidentin e ri

NUREDIN DUMANI, hajduti dibran që u bë killer me pagesë

100 VJETORI I LORO BORIÇIT, Nipi i legjendës së futbollit flet nga Kanadaja, Kryebashkiaku: Si do festojmë në Shkodër

NJË LOPË DHURATË PËR NËNAT, TAKSA SHTESË PËR BEQARËT

Rrogëtarë të shtetit e pleqtë milionerë, si po degjeneron skandali i plehrave

Këlliçi & Shehaj PD humbi inovatorët, Berisha humbi “oksigjenin”

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Lajme nga fronti i demokratëve; Sali Berisha nuk ikën, Lulzim Basha nuk ikën!

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?