Kapodistria, kush ishte Gjon Gjika, presidenti i parë i Greqisë

Në lagjen Cfakë në Gjirokastër, anën që lind dielli, ka një shtëpi – kullë mbyllur me drynë, monument kulture i kategorisë së parë, pronë e Asllan Bejës, babait të politikanit të njohur të PD Fatos Beja. Është banesë e fisit Gjika, pronë e ish-ministrit të jashtëm rus Joan Kapodistrias dhe presidentit të parë grek. Por si ndryshoi mbiemri nga Gjika në Kapodistria? Pse u shpërngul familja e tij nga Gjirokastra dhe si kujtohet sot ky personalitet i rrallë në Shqipëri, Greqi apo edhe Rusi ku shërbeu si ministër i Jashtëm? Shpesh kemi treguar se shqiptarë të mëdhenj kanë qenë drejtues po aq të mëdhenj në vende të tjera, por historia e Gjon Gjikës, ndoshta dhe me arsye politike, mbetet e patrajtuar. Ajo që nuk fshihet dot nga harta e kujtesës është shtëpia e bukur në lagjen Cfakë, si një dëshmi e gjallë e një realiteti që grekët dhe shqiptarët “harrojnë” me dashje ta përmendin.