Joana Qeleshi, fytyra njerëzore e ligjit

Nga Françeska Kordalli

Ka njerëz që drejtësinë e mësojnë nga librat, dhe ka të tjerë që e marrin me qumështin e shtëpisë. Joana Qeleshi është nga ato vajza që u rrit me të drejtën si mënyrë të të jetuarit, jo si profesion për t’u ushtruar. Në shtëpinë e saj, ligji nuk ishte kurrë vetëm nen e paragraf, por pjesë e bisedave të përditshme, e historive që tregoheshin në darkë dhe e shembujve që shiheshin në heshtje. Një makinë e vjetër shkrimi, disa libra të babait prokuror, urtësia e gjyshes dhe tregimet e gjyshit, ky ishte universi i parë që i mësoi se drejtësia është shumë më tepër sesa një sallë gjyqi.