Fukarenj në Tiranë miliarderë në Kosovë

Një politikan dhe një biznesmen, të dy të harruar në mënyrat e tyre, takohen, jo rastësisht në këtë investigim të Newsbomb. Rezulton se kanë një të përbashkët: qenien në hije në Tiranën e zhurmshme, por, miliarderë në Kosovë. Dhe të dy, origjinën e kanë nga qyteti i bukur i Përmetit. Siç duket nga ky invesgim, Genc Pollos dhe Albert Xhanit, pak u bie ndërmend për vendin e tyre këto kohë, për shkak, të investimeve, në letra, në vende të tjera.

Genc Pollo, djali i Stefanaq Pollos, mbaroi për Histori në 1986, dhe dy vite më vonë, mori një specializim në Vjenë, Austri, që ishte një gjë shumë e rrallë për të rinjtë e kohës në komunizëm. Në vitet 1990, kur ndodhën ndryshimet demokratike, i riu energjik lindur në Tiranë e me origjinë nga Përmeti, u atashua menjëherë krah Partisë Demokratike, ku shërbeu për 23 vite si deputet i kësaj force politike, e mandej edhe si ministër i Inovacionit gjatë qeverisjes së PD-së. Ishte i pari që lançoi teknologjinë avangardë të internetit nëpër shkollat e Shqipërisë në vitin 2011.