Formula e majit… ngjyra

Më ndodh vetëm mua apo edhe juve që kur qëndroni përpara garderobës tuaj nuk jeni aspak të inspiruar?! Nuk e di pse po e nis pak si depresive këtë shkrim kur sapo jam kthyer nga një udhëtim në Madrid, qytetin më solar dhe mbi të gjitha me njerëz shumë stil. Ajo që më bëri përshtypje në Spanjë është se ndryshe nga Tirana, në Madrid nuk shihje dy njerëz të veshur njësoj, ama një gjë ishte “ligj” (I pashkruar) shumë ngjyra. Nuk është se po themi ndonjë gjë të re sepse këtë pranverë/verë do të verbohemi nga ngjyrat, por mirë është që herë pas here të kemi në garderobën tonë dhe veshje, ngjyra apo edhe të ricklojmë… se jo për gjë por me blerje çdo muaj nuk ja dalim dot… ( dhe këtë ua them unë që jam njeriu që nuk e di se sa shumë shpenzojë për veshje)

Xhaketa fustan

Për ditët e pranverës kur gjithçka që ju nevojitet është një xhaketë e lehtë, pse të mos e vishni në fakt xhaketën tuaj si fustan? Duket perfekt me çizme, atletet retro, etj. Me këtë rast do t’i kursenit vetes shumë kohë përpara dollapit… Më besoni.