“Fëmijët e mi, kujdesen vetë për veten” Orët e ankthit të Berishës në Gjirin e Lalzit dhe telefonata me Lul Bashën

Përveçse nuk dinte asgjë se çdo të ndodhte mbrëmjen e 9 shtatorit 2021, Berisha, kishte vazhduar ritualin e tij të zakonshëm. Ishte ditë e enjte me diell, pak fresk, dhe siç i pëlqen doktorit, e kishte përfunduar më herët shëtitjen buzë detit. Hallet e shumta të këtyre ditëve dhe mesazhet në celularin e tij ishin shtuar. Përpiqej të mbante trupin në formë, se mendjen e kishte top. Ishte me logjikë të fortë dhe i bindur se partia që krijoi e për të cilën kishte punuar gjithë jetën nuk do e tradhëtonte.

Bashkëshortja Liria kujdesej në çdo moment që ai të ishte i qetë. Fundja, këtë kishte bërë gjithë kohën. Po të njëjtin kujdes po tregonte edhe mbrëmjen e 9 shtatorit, në vilën e tyre në Gjirin e Lalzit, kur doktori, pas gjithë ritualit të pasdites, priste me kërshëri lajmet e mbrëmjes e ku me pultin e televizorit në dorë, nuk i shket asgjë, i vëmendshëm siç është ai. Në gjirin e Lalzit, kishte filluar të frynte erë. Në telefonin celular të tij, vjen një thirrje në orën 19.30. “Eshtë Luli”, i thotë nga ana tjetër Lili, e Saliu nxiton të marrë telefonin në dorë për të folur me kryetarin e PD. Janë ditë të ethshme, në datën 10 fillon Kuvendi, dhe ata të dy kanë ç’të diskutojnë. Liria pa fytyrën e ngrysur të doktorit si rrallë ndonjëherë. Në ankth nuk po kuptonte se ç’po ndodhte, por shprehja e tij e fytyrës tregonte se nuk ishte një gjë e mirë. Ose, më saktë, nuk kishte ndonjë lajm pozitiv. Liria dëgjonte vetëm atë ç’ka po thoshte Saliu. “Fëmijët e mi kujdesen vetë për veten.