Fatos Nano, në dosjet e CIA-s në 1991: “I TËRHEQURI” që ia doli të dalë në krye të komunistëve

Ardhja në krye të Partisë Socialiste në Qershor 1991, duket se nuk ka qënë meritë e Fatos Nanos. Përplasja mes dy grupeve në ish Partinë Komunistëve, të moderuarve dhe enveristëve, ndikoi fort tek Ramiz Alia për të lënë partinë në duart e një grupi të rinjsh liberalësh për të shmangur më të keqen.

Dokumentet e CIA-s, që zbulohen për herë të parë në revistën Newsbomb, qartësojnë disa rrethana të politikës shqiptare në vorbullën e madhe të vitit 1991, sipas këndvështrimit amerikan. Dokumentet, të cilat janë analiza politike të hartuara nga Direktorati i Inteligjencës në CIA-a për Presidentin amerikan George H Bush, përshkruajnë lëvizjet e Ramiz Alisë në pushtet, mes dilemës për të manaxhuar situatën e cila mund të shkonte në dhunë, dhe pakënaqësinë e grupit enverist në ish Partinë Komuniste të cilët nuk negocionin lënien e pushtetit.