Edmund Davies, historia e britanikut që u tradhëtua nga Enver Hoxha

Ishte fundi i Luftës së Dytë Botërore kur britanikët vendosën të sjellin në Shqipëri gjeneralët e tyre për të ndihmuar forcat partizane kundër pushtuesit. Gjenerali britanik Davies erdhi me misionin të bashkojë Ballistët e Partizanët. Por misioni i tij rezultoi i pasuksesshëm. Një raport britanik zbulon se pas plagosjes në Shqipëri, Davies “u tradhëtua” nga Enver Hoxha dhe u dorëzua tek gjermanët. Ai arriti ti mbijetojë gjermanëve dhe jetoi gjatë pas luftës në kërkim të një takimi me diktatorin që nuk u realizua kurrë. Vdiq me një peng të madh: a u tradhëtua apo jo nga Enver Hoxha?

 Një prej ngjarjeve kulmore të Luftës së Dytë Botërore në Shqipëri ishte kapja rob e Gjeneralit Britanik Edmund Davies nga gjermanët në Janar 1944 në fshatin Kostenjë të Librazhdit. Gjenerali britanik erdhi për të bashkuar grupet e rezistencës shqiptare por në operacionin e dimrit ai u plagos papritur nga besnikët e Aziz Biçakut dhe më pas iu dorëzua trupave gjermane të cilët e transportuan në spitalin ushtarak të Tiranës.