Arben Dervishaj: Ju rrëfej ditët e mia pa liri!

Inxhinier Arben Dervishaj u shpall i pafajshëm nga gjykata në procesin kundër tij për inceneratorin e Fierit. Në një intervistë të gjatë për Neësbomb, pedagogu që kaloi 10 muaj e 10 ditë në qelitë e paraburgimit të Durrësit tregon të pavërtetat e procesit të tij; thashethemnajën e qëllimtë që e nxirrnin institucionet dhe e hapnin mediat dhe argumentat se pse i shpëtoi shtetit disa miliona euro. Kush ishin njerëzit që e shoqëronin brenda ambienteve të qelive dhe për çfarë e kishte marrë malli më shumë jashtë atyre dyerve. Pse nuk zgjodhi të arratiset kur e kishte mundësinë dhe si besonte verbërisht tek e vërteta dhe drejtësia. Gjithçka duhet të dini nga “aktiviteti i munguar” i profesorit që i mungoi edhe studentëve…

Koha ndal në vend për disa njerëz që jeta i ka përballur me sfida. Të privuarit e lirisë, nuk është njëlloj me të privuarin e mendjes. Askujt nuk i urohet burgu, por në rastin e profesor Arben Dervishajt, ndërsa i bëjmë këtë intervistë, mendojmë: sa mirë që e hoqën nga Tirana e zhurmshme për 10 muaj, sepse do të kemi një kryevepër inxhinierike shumë shpejt, për studentët e për inxhinierët.