AG, zonja e pamoshë me skenën: Më do Zoti!

Ka këngëtarë që thjesht këndojnë dhe ka artistë të tjerë që digjen në skenë. Aurela Gaçe është kjo e dyta. Një artiste, e cila prej më shumë se tre dekadash, nuk është thjesht një zë unik i skenës shqiptare, por një uragan energjie, një gjurmë e fortë e muzikës së lehtë po aq sa dhe e muzikës folk apo tradicionale. “Unë nuk jetoj dot pa muzikën”, thotë ajo në intervistën për Neësbomb dhe këtë nuk e thotë as si metaforë dhe as sepse duhet ta thotë si këngëtare aktive në treg, por si një të vërtetë që buron nga gjithë qënia e saj.

Së fundmi, Aurela ka realizuar një projektet me jo pak sfida siç ishte “Aurela Gaçe Shoë” në Top Channel. 12 netë muzikë, bashkëpunime të veçanta, ide të mbartura gjatë e më në fund të realizuara me sukses e të përqafuara po me aq sukses nga publiku, ku 6 netët e tjera do të vijojnë të shfaqen pas sezonit veror në shtator-tetor. Një shoë që siç thotë Aurela, ishte edhe një gjurmë tjetër për të, për të lënë të  dokumentuar të qenit artiste energjike, autentike dhe bashkuese.