Ymer Begeja, 24 vjeçari që u pushkatua për Parrullat

Ora shënonte 12:30 e 27 tetorit 1947 dhe në oborrin e zymtë të fermës së pulave heshtja e rëndë e krimit shtetëror, kurdisur prej mekanizmit të pamëshirshëm të regjimit komunist, u thye nga krismat e thata të pushkëve që derdheshin pa pushim në trupat e dy të rinjëve 26 vjeçar. Me vendim të Gjykatës Ushtarake të Tiranës, konfirmuar dhe nga Gjykata e Lartë, Ymer Begeja dhe Mustafa Qosja, u ekzekutuan si armiq të Pushtetit Popullor ndërsa 4 të rinj të tjerë u dënuan si pjesë e grupit klandestin që drejtohej nga Begeja. “Mi bëni të fala nënës”… ishin fjalët e fundit të Ymer Begejës, djaloshit që nuk pajtohej me reformat e ndërmarra nga Partia Komuniste dhe shokut të tij, bindje të cilën e paguan me jetë. Në Autoritetin për Informimin mbi Dokumentet e Ish-Sigurimit të Shtetit, ruhet dosja e plotë e gjashtë djemve, të cilët kryenin shërbimin ushtarak së bashku. Në faqet e saj gjenden dëshmi, procesverbale, raporte hetimore dhe copëza jete, që hedhin dritë mbi terrorin që shkaktonte komunizmi.

HISTORIA E TREGTARËVE TIRANAS