“Wudy”, shumë zhurmë për asgjë

“Që nga viti 1968, AIA solli kualitet, siguri dhe inovacion tek tryezat e italianëve, pa harruar traditën, atë që e kthen kuzhinën në një vend takimi të gjeneratave të ndryshme”. Kjo është moto e kompanisë italiane, që gjendet në sitin e vet zyrtar, e prej së cilës, pak nga kjo traditë, vjen edhe në Shqipëri, nëpërmjet kompanisë shqiptare “FrigoFood”. Një gjë e tillë nuk do ishte marrë vesh asnjëherë nëse nuk do të ishte për Autoritetin Kombëtar të Ushqimit që në fundin e shtatorit, lëshoi një “silur” kancerogjen mbi çdo familje shqiptare, sidomos ato me fëmijë, për konsumimin e produkteve Wudy të kësaj kompanie. Sapo lajmi u bë publik nga AKU, shumë institucione mediatike e transmetuan një njoftim të një autoiteti zyrtar të shtetit shqiptar. Dhe “takimi i brezave” në Shqipëri, siç përcaktohet në reklamën e kompanisë italiane AIA, nuk ndodhi më. Amvisat zhdukën Wudy nga frigoriferët e tyre; supermarketet e mblodhën nga raftet, vetë kompania importuese e produktit, “FrigoFood”, e gjeti veten përballë një furtune që zor se rikuperohet me një kohë të shpejtë, pavarësisht gjithë punës së bërë. AIA në Itali i përket grupit Veronesi, një nga kompanitë kryesore në Europë për prodhimin e shitjen e pulave të freskëta, gjelave të detit, mishit të derit e shumë artikujt të tjerë. Numëron 10.000 vetë si personel në kompani, e shumë filiale të tjera në gjithë botën, duke eksportuar produktet e veta. Por çfarë ndodhi? Në fillim të shtatorit, vetë kompania italiane AIA vuri në dijeni autoritetet italiane se një pjesë e produkteve “wudy classic sausage”, “wudy cheese sausage”, “wudy classic happy hour” dhe “wudy classic maxipack”, kishin pasur probleme me prezencë bakteri Listeria në kohën e prodhimit. Dhe vetë kompania në Itali, këshilloi qytetarët, të cilëve mund t’u kishte rënë në dorë ky produkt dhe disa lote të tij, se, nëse do të kishin simptoma që i sjell bakteri Listeria si temperaturë e lartë, dhimbje koke, të vjella, dhimbje abdominale, apo diare, do të ishte e rëndësishme të raportohej menjëherë. Kjo do të ndihmonte për një kontroll të situatës. “Produktet që u vlerësuan të tilla, nuk arritën të mbërrinin në Shqipëri. Gjithë kjo sasi u kap në kohë”, sqaroi në një dalje të detyruar televizive vetë pronari i “FrigoFood”, Sokol Meqemeja, ndërsa për të shuar sadopak kuriozitetin dhe për të hequr frikën e qytetarëve mori një salçiçe Wudy dhe e konsumoi live përpara kamerave. Ndërhyrja e AKU që rriti alarmin Kur vjen fjala tek produktet që konsumojmë, në Shqipëri të gjithë janë të shqetësuar. Edhe pse dihet që shumica e produkteve janë jashtë kontrollit të AKU-së, duket se në ndonjë rast krijohet edhe alarm si ky i salçiçeve, për të cilin nuk merret informacion i mjaftueshëm. Dhe kjo vjen nga një institucion që vetëm 10 ditë më parë, nga kamerat e Fix Fare, një prej punonjësve të vet, prodhonte majonezë në garazhin e një pallati, në kushte aspak higjenike, e që më pas u shpërndahej gjithë fast-food-eve në Tiranë e më gjerë, jashtë çdo standarti. Jeta Deda argumentoi në daljen publike në Euronews se ka pasur aludime “nga media” siç tha ajo që ky njoftim s’duhej bërë, por ajo është e bindur se duhej. “Sepse edhe firma do ta ketë më mirë që të asgjesohet ky produkt” sqaroi drejtoresha e AKU-së. “Ne nuk mund të fshihemi nëpër zyrat tona, të marrim njoftimet e të mos i bëjmë publike” tha ajo. Drejtoresha ndoshta ka të drejtë. Por nëse hap sot faqen zyrtare të Agjencisë Kombëtare të Ushqimit, nuk ka asnjë njoftim për asnjë produkt, që nga data 7 korrik e këtij viti. Ndoshta defekt i faqeve online zyrtare, por e vërteta është ajo që duket. Ndaj gjërat që bëhen me nxitim, i “hedhin më shumë benzinë zjarrit”. Por njoftimi është vetëm në rrjetin social facebook: “Autoriteti Kombëtar i Ushqimit menjëherë pas njoftimit të ardhur nga RASFF po ndërmerr të gjitha masat nëpërmjet kontrolleve zyrtare në operatorët e biznesit ushqimor për identifikimin, bllokimin dhe tërheqjen e produktit nga tregu. Kujdes konsumatorë! Mos i konsumoni këto produkte, kthejini pranë subjekteve ku i keni blerë!” sugjeron AKU pasi nxjerr listën e produkteve Ëudy dhe datat e skandencës me numrin e loteve përkatës. Si reagoi firma importuese? Në 21 shtator 2022, i gjendur përballë një trysnie të madhe mes miqsh e shokësh e partnerësh që ia mbushën celularin me mesazhe, Sokol Meqemeja, pronar i “FrigoFood”, kompania shqiptare që sjell këtë produkt nga kompania mëmë AIA në Itali, u detyrua të marrë vetë përsipër gjithë fushatën e re. Ai në daljet publike u shpreh se AKU-ja duhet të ishte më qartë në lidhje me njoftimin që u bëri konsumatorëve. “Duhej ta qartësonte AKU-ja që ky lot ka pasur probleme, ky lot është i bllokuar, produkti që po vjen, do vendosim alertin dhe kontrollin por nuk është loti problematik me të cilën do vijojmë punën. Kjo do kalonte me qetë. Më kanë nxjerrë me fotografi me kriminel sikur kam helmuar popullin. Unë dal, marr edhe familjen time. Këtu në emision po të doni, gatuajmë, fëmijët e mi dhe të afërmit e mi i konsumojnë. Unë jam i bindur që standardi i asaj fabrikë, është ndër më të mira në bote, defekte ka në të gjithë botën”, tha Meqemeja. Dhe në vijim të sqarimeve, shton se ka qenë kompania prodhuese që ka kontaktuar vetë me distributorët e vet, por edhe autoritetet. “Problemin e ka zbuluar vetë fabrika, e ka denoncuar vetë fabrika. Është thirrur ministri i Bujqësisë italiane në fabrikë, është bërë e gjithë procedura, është bllokuar ky lot i fabrikës. Është kompani që mban 65% të popullsisë të tregut italian, shërbejnë për të paktën 50 milionë banorë në Itali, por edhe në Gjermani e Holandë. Madje kanë marrë në telefon fabrikën në Itali, a kanë vdekur njerëz në Shqipëri? Unë jam vënë në dijeni një ditë para AKU-së, nga kompania mëmë. Kam folur me fabrikën në Itali, lotet që ju po merrni mall janë të sigurta dhe mos kini merak se lotet problematike janë bllokuar. Nuk kanë ardhur te ne”, theksoi ai. Çfarë po ndodh sot Natyrshëm ka skepticizëm. Nuk dihet se është në të mirë të konsumatorit, apo në dëm të biznesit. Kompania italiane e hoqi atë produkt nga qarkullimi. Madje, siç thotë pronari i “Frigofood”, asnjë prej loteve që janë përmendur në njoftime, nuk ka ardhur në Shqipëri. Tani kompania ka për detyrë të rregullojë imazhin e vet. Në një vend si Shqipëria, ku gjithçka është thuajse jashtë kontrollit, një njoftim i tillë me shpejtësi e i pakonsultuar bën dëm. Por, edhe kjo do të kërkojë kohën e vet. Dhe produktet Wudy, do të vazhdojnë të jenë më të dashurat për fëmijët e të rriturit, në tryezat familjare e në festat e mëdha.

“Wudy”, shumë zhurmë për asgjë

Artikuj të ngjashëm Artikuj

Hemoragjia e BLUZAVE të BARDHA

ME GOMONE DREJT ANGLISË

Kurthi i kredive! Shqiptarët e varfër të joshur nga fajdet

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Inva Mula: Unë sopranoja e parë shqiptare në skenat evropiane

Bjeshkët që marrosën turistët: Nga më e bukura Zoj, tek Xhubleta

102 kontejnerët me ngarkesën e errët të maskuar nën hijen e portit

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

PORTO PALERMO, Ferri i të internuarve në Kalanë e bukur të Vasiliqisë

51 ministrat që Edi Rama u bëri NDERIN E JETËS

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

“Wudy”, shumë zhurmë për asgjë

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?