Uzina që “ndriçoi” Shqipërinë, në “terrin” e demokracisë

Shqipëria u elektrifikua me telat që prodhoheshin nga Shkodra. E konsideruar “si perla e kryeqendrës së Veriut” Uzina e Telave nga viti 1969 kur u ndërtua, prodhoi jo vetëm tela për ndriçim, por edhe para, madje valutë, për buxhetin e varfër të Shqipërisë së diktaturës. Për Shkodrën solli punësim në masë të qytetarëve atje. Por gjithçka u zhbë në demokraci kur në 2012, fabrika u mbyll përfundimisht e tani ka mbetur si një mall pa zot me ca hekurishte të ndryshkuara pa asnjë vlerë

Në periferi të qytetit të Shkodrës, në ish-zonën industriale të shpërfytyruar dhe të kthyer tashmë në një zonë informale, gjendet një uzinë, shumë e njohur, jo vetëm në Shkodër, por edhe vende të tjera.