Tragjedia e nënës së Aldi Ramës, bashkëshorti i sharroi këmbë e duar në sytë e dy fëmijëve

Krimi Horror

Çfarë ndodhi në Kallamata 12 vite më parë? Përplasjet mes çiftit të ri që sollën një nga krimet më monstruoze që ishin parë ndonjëherë në Greqi! Si Rufan Rama masakroi me një sharrë elektrike nënën e dy djemve të tij dhe më pas i kërkoi ndihmë policisë. Fakte dhe detaje të panjohura më parë të referuara nga prokuroria greke… Si rrugëtoi fëmija Aldi Rama pa i mbushur ende 9 vjeç me imazhin e nënës së tij të sharruar këmbësh e duarsh! Vrasja e oficerit të policisë, reagimet e të atit dhe mohimi i këtij të fundit publikisht të ishte ai autori i asaj masakre ndaj ish-gruas së tij!

Ishte ora 20.00 e mbrëmjes së 28 shtatorit kur një grua, që çalonte duke ecur, e ndonjëherë ulej nëpër shkallët e pavionit të traumës në Spitalin Ushtarak, “lante” me lot shkallët e urgjencës, e kapte prej xhakete a përparëseje këdo nga mjekët, infermierët që hynin brenda në spital. 42 vjeçarja vinte vërdallë si e shushatur dhe pavarësisht ndonjë fjale që i thoshte ndokush atypari se do ta informonin për zhvillimet, (por duhet të largohej nga hyrja e spitalit), nuk lëvizte prej andej.