SONDAZHI I NEWSBOMB: Si ndahen votat në Shkodër, Durrës dhe Lushnje

Sondazhi Newsbomb Në Shkodër kryeson kandidati i ShL-së Në bashkitë e tjera kryesojnë kandidatët e PS-së Kandidatët e PD-së zyrtare pranë vendit të dytë (përveç Shkodrës) Newsbomb angazhoi sondazhistin e mirënjohur Eduard Zaloshnja, për të zhvilluar një sondazh rreth zgjedhjeve të pjesshme të bashkive Durrës, Shkodër, Lushnje, Dibër, Vorë, e Rrogozhinë. Sondazhi u krye më 12 shkurt, duke shpërndarë në këto bashki 2700 SMS të rastësishme, në përpjestim me numrin e banorëve të tyre (shkalla përfaqësimit statistikor: 1 SMS për çdo 133 banorë të rritur). Nga 2700 banorët e rastësishëm të këtyre bashkive që morën SMS, ishin të vendosur të votonin 1895 prej tyre. Pyetja kryesore në sondazh ishte “Për cilin kandidat do të votonit, nëse zgjedhjet në bashkinë tuaj do të zhvilloheshin sot?” Gjithashtu, të anketuarit u pyetën për gjininë, moshën, vendbanimin (urban-rural), bashkinë ku banonin dhe për votën e tyre të 25 prillit 2021. Në këtë mënyrë, u krijua mundësia për të kontrolluar nëse kampioni statistikor ishte i balancuar gjeografikisht, demografikisht dhe politikisht. Në fakt, kampioni rezultoi disi i zhbalancuar, dhe për këtë arsye, u ripeshua statistikisht, për ta përfaqësuar sa më mirë elektoratin e këtyre bashkive. Bashkia Durrës Meqënëse 775 të anketuar durrsakë rezultuan të vendosur të votonin ditën e sondazhit, u bë e mundur që të llogaritej statistikisht shpërndarja e votave mes kandidatëve në Durrës, me maksimum marzhi të gabimit statistikor plus/minus 3.5%. Duke ndjekur procedurat statistikore të përshkruara më sipër, rezultoi se kandidatja e Ramës do të kishte marrë 49.7% të votave, i Berishës+LSI etj. 26.5%, dhe i Bashës 23.8% (shihni Grafikun 1). Nga ekstrapolimi i përafërt i përgjigjeve të të anketuarve (të ndarë sipas gjinisë, moshës, e votimit të vjetshëm), rezultoi që nëse zgjedhjet do të ishin zhvilluar ditën e sondazhit, do të votonin rreth 67% e zgjedhësve që aktualisht banojnë në këtë bashki, ose rreth 94 mijë banorë të rritur të Bashkisë Durrës. Ndryshe, mund të thuhet se rreth 36% e zgjedhësve në lista do të kishin votuar ditën e sondazhit. (Shënim: rreth 47% e zgjedhësve të tjerë të listës janë në emigracion.) Siç shihet në Tabelën 1, numri i pjesëmarrësve do të kishte qenë rreth 15 mijë më i ulët se sa në 25 prillin e vjetshëm. Bashkia Shkodër Meqënëse 461 të anketuar shkodranë rezultuan të vendosur të votonin ditën e sondazhit, u bë e mundur që të llogaritej statistikisht shpërndarja e votave mes kandidatëve në Shkodër, me maksimum marzhi të gabimit statistikor plus/minus 4.6%. Duke ndjekur procedurat statistikore të përshkruara më sipër, rezultoi se kandidati i Berishës+LSI etj. do të kishte marrë 46.5% të votave, e Ramës 39%, dhe i Bashës 14.5% (shihni Grafikun 2). Nga ekstrapolimi i përafërt i përgjigjeve të të anketuarve (të ndarë sipas gjinisë, moshës, e votimit të vjetshëm), rezultoi që nëse zgjedhjet do të ishin zhvilluar ditën e sondazhit, do të votonin rreth 71% e zgjedhësve që aktualisht banojnë në këtë bashki, ose rreth 62 mijë banorë të rritur të Bashkisë Shkodër. Ndryshe, mund të thuhet se rreth 37% e zgjedhësve në lista do të kishin votuar ditën e sondazhit. (Shënim: rreth 49% e zgjedhësve të tjerë të listës janë në emigracion.) Siç shihet në Tabelën 2, numri i pjesëmarrësve do të kishte qenë rreth 7 mijë më i ulët se sa në 25 prillin e vjetshëm. Tabela 2. Votat e sotme të atyre që më 25 prill votuan për PS+PSD vs. për Partitë opozitare (Ekstrapolim i përafërt i votave në Bashkinë Shkodër) Kandidatët Sot Votat më 25 prill të partive mbështetëse * Firoja Kandidatin e Berishës-LSI etj. 28,600 41,300 -3,800 Kandidatin e Bashës 8,900 Kandidaten e Ramës 24,000 26,950 -2,950 Total 61,500 68,250 -6,750 *Votat që u plotësuan gabim më 25 prill u janë shtuar votave të vlefshme të partive, duke presupozuar shpërndarje gabimi proporcional të fletëve të pavlefshme. Bashkia Lushnje Meqënëse 340 të anketuar lushnjarë rezultuan të vendosur të votonin ditën e sondazhit, u bë e mundur që të llogaritej statistikisht shpërndarja e votave mes kandidatëve në Lushnje, me maksimum marzhi të gabimit statistikor plus/minus 5.3%. Duke ndjekur procedurat statistikore të përshkruara më sipër, rezultoi se kandidatja e Ramës do të kishte marrë 53.8% të votave, i Berishës+LSI etj. 24.7%, dhe i Bashës 21.5% (shihni Grafikun 3). Nga ekstrapolimi i përafërt i përgjigjeve të të anketuarve (të ndarë sipas gjinisë, moshës, e votimit të vjetshëm), rezultoi që nëse zgjedhjet do të ishin zhvilluar ditën e sondazhit, do të votonin rreth 71% e zgjedhësve që aktualisht banojnë në këtë bashki, ose rreth 43 mijë banorë të rritur të Bashkisë Lushnje. Ndryshe, mund të thuhet se rreth 41% e zgjedhësve në lista do të kishin votuar ditën e sondazhit. (Shënim: rreth 42% e zgjedhësve të tjerë të listës janë në emigracion.) Siç shihet në Tabelën 3, numri i pjesëmarrësve do të kishte qenë rreth 5 mijë më i ulët se sa në 25 prillin e vjetshëm. Tabela 3. Votat e sotme të atyre që më 25 prill votuan për PS+PSD vs. për Partitë opozitare (Ekstrapolim i përafërt i votave në Bashkinë Lushnje) Kandidatët Sot Votat më 25 prill të partive mbështetëse * Firoja Kandidatin e Berishës-LSI etj. 10,700 21,550 -1,550 Kandidatin e Bashës 9,300 Kandidaten e Ramës 23,200 26,300 -3,100 Total 43,200 47,850 -4,650 *Votat që u plotësuan gabim më 25 prill u janë shtuar votave të vlefshme të partive, duke presupozuar shpërndarje gabimi proporcional të fletëve të pavlefshme. Si votojnë grupmosha të ndryshme në gjashtë bashkitë së bashku Ndër të anketuarit tashmë të vendosur për të votuar, përkrahësit e kandidatëve të Bashës kishin moshën mesatare më të ulët. Përkrahësit e kandidatëve të Ramës e të Berishës+LSI etj. dominonin tek grupmosha 50-64 vjeç, dhe sidomos tek grupmosha 65 vjeç e sipër. Ndërsa përkrahësit e kandidatëve të Bashës dominonin tek grupmosha 35-49 vjeç (Shihni Tabelën 4) Tabela 4. Shpërndarja moshore e votuesve të vendosur të secilës palë në gjashtë bashkitë së bashku 18-34 35-49 50-64 65+ Total Kandidatët e Berishës-LSI etj. 29% 22% 27% 22% 100% Kandidatët e Bashës 30% 32% 23% 15% 100% Kandidatët e Ramës 30% 21% 27% 22% 100% Banorët e 6 bashkive 33% 23% 25% 19% 100% Si votohet në pesë bashkitë përveç Shkodrës Meqënëse Shkodra nuk është bashki tipike nga pikëpamja e përçarjes brenda opozitës, është interesante të shihet sesi votojnë banorët e pesë bashkive të tjera (të marra së bashku). Në këtë mënyrë, mund të bëhet një përafrim domethënës statistikisht mes situatës së fraksioneve brenda opozitës në këto pesë bashki dhe asaj të të gjithë vendit në përgjithësi. Grafiku 4 jep tablonë e shpëndarjes së votave në pesë bashkitë së bashku, përveç Shkodrës. SQARIM STATISTIKOR Intervali i marzhit të gabimit statistikor të rezultateve në përqindje është në vartësi të madhësisë së kampionit statistikor, popullsisë së sonduar, dhe distancës së rezultatit nga pika e mesit (50%). Sa më i madh të jetë kampioni statistikor dhe sa më e vogël popullsia e sonduar, aq më i vogël është intervali i gabimit statistikor. Në të njëjtën mënyrë, sa më larg pikës së mesit (50%) të jetë një rezultat në përqindje, aq më i vogël është intervali i gabimit statistikor. Kështu për shembull, në kampionin statistikor të pesë bashkive së bashku (pa Shkodrën), kandidatët e Ramës rezultojnë me 50.9% të votave dhe me marzh gabimi statistikor +/-2.8%. Ndërsa kandidatët e Bashës rezultojnë me 22% të votave dhe me marzh gabimi statistikor +/-1.6% (interval i gabimit statistikor është më i vogël, ngaqë rezultati i kandidatëve të Bashës është larg mesit 50-përqindësh). Nga ana tjetër, në kampionin statistikor të Bashkisë Durrës, kandidatët e Ramës rezultojnë me 49.7% të votave dhe me marzh gabimi statistikor +/-3.5%. Rezultati i kandidates së Ramës përsëri është pranë mesit 50-përqindësh, por intervali i gabimit statistikor është më i madh se sa më sipër, ngaqë kampioni i Durrësit është më i vogël se sa i pesë bashkive së bashku. Si u ndanë në përqindje votat e 25 prillit të vjetshëm në secilën nga bashkitë e 6 marsit Në katër nga bashkitë e 6 marsit (Durrës, Lushnje, Vorë e Rrogozhinë), partitë e mazhorancës patën epërsi në zgjedhjet parlamentare të 25 prillit. Në dy të tjerat (Shkodër e Dibër), ato ishin ndjeshëm poshtë 50-përqindëshit (shihni Tabelën 5). Tabela 5. Ndarja e votave më 25 prill 2021 Bashkite PS+PSD P. e tjera Durres 50.6% 49.4% Shkoder 43.4% 56.6% Lushnje 54.2% 45.8% Diber 41.4% 58.6% Vore 56.3% 43.7% Rrogozhine 54.8% 45.2% Votimi në 5 bashki (pa përfshirë Shkodrën): Mostër statistikore ideale për të përfaqësuar gjithë elektoratin shqiptar Sondazhet e opinionit bëhen zakonisht me 1000-2000 të anketuar, të përzgjedhur në mënyrë të tillë që ta përfaqësojnë sa më mirë popullsinë (brenda një marzhi gabimi statistikor). Kjo vlen si për një vend me 330 milionë banorë, si SHBA, edhe për një vend me 2.8 milionë banorë, si Shqipëria – sondazhet bazohen në të njëjtat ligje të teorisë së probabilitetit. Në zgjedhjet e pjesshme të 6 marsit në Shqipëri, në pesë bashki (pa përfshirë Shkodrën) do të thirren për votim rreth 275 mijë banorë të rritur. Është mostra më e madhe statistikore që mund të ëndërrojë çdo sondazhist! Por a e përfaqëson statistikisht kjo mostër të gjithë elektoratin shqiptar? Nga pikëpamja demografike, këta 275 mijë banorët e rritur përbëjnë një pasqyrë pothuaj perfekte të elektoratit shqiptar. Raporti i meshkuj-femra është praktikisht identik me të të gjithë popullsisë. Raporti mes grup-moshave është praktikisht identik me të të gjithë popullsisë. Raporti i urban-rural është pothuaj identik me të të gjithë popullsisë. Nga pikëpamja gjeografike, kemi një bashki veriore, dy të Shqipërisë së Mesme, një gjysëm jugore, dhe një jugore. Për më tepër, Durrësi e Vora janë bashki me shumë banorë të shpërngulur nga të gjitha krahinat e vendit. Nga pikpamja politike, në pesë bashkitë të marra së bashku, ndarja e përqindjeve të votave të 25 prillit të vjetshëm mes dy kampeve (PS+PSD vs. Partitë e tjera) ishte praktikisht identike me atë kombëtare.

SONDAZHI I NEWSBOMB: Si ndahen votat në Shkodër, Durrës dhe Lushnje

Eduard Zaloshnja

Artikuj të ngjashëm Artikuj

Lufta me Bulevardin

“ALBANIAN FILES”: 4 çështjet e debatueshme

Vajzat e humbura

Librazhdi, qyteti që nuk njihni, me bujtina dhe aventura që ju lënë pa mend

Mariglen Disha, njeriu pas vizionit të ri për Librazhdin!

PROTESTA E MEMEVE TË TALLESH NË ZGRIPIN E PAMUNDËSISË

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

SONDAZHI I NEWSBOMB: Si ndahen votat në Shkodër, Durrës dhe Lushnje

Eduard Zaloshnja

Sondazhi Newsbomb

Në Shkodër kryeson kandidati i ShL-së

Në bashkitë e tjera kryesojnë kandidatët e PS-së

Kandidatët e PD-së zyrtare pranë vendit të dytë (përveç Shkodrës)

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?