NGROHTËSI dhe KOMODITET në këto ditë të ftohta dimri

I ftohti ka “kapluar” vendin, teksa reshjet e dëborës së fundmi i kanë shtuar akoma më shumë hijeshinë këtij muaji. “Dyndje” të qytetarëve drejt Dajtit dhe vendeve të tjera malore për të shijuar bardhësinë dhe lezetin e krijuar nga dëbora. Udhëtime, aventura dhe lojëra të ndryshme do të ishin “perfekte” për këto ditë të ftohta, të kaluara me miqtë e shoqërinë. Disa kombinime fantastike do t’iu vijnë në ndihmë për të qenë sa më “ngrohtë” në këto ditë të ftohtë që kanë “pushtuar” vendin javët e fundit. Nuk ka vend aspak për panik, unë kam menduar për çdo detaj të “outfiteve” tuaja. Në këtë artikull të “Newsbomb.al” do t’iu “servirim” në “pijatë” disa ide fantastike dhe mjaft komode, të cilat do t’iu bëjnë të ndiheni të sigurta dhe pa u stresuar. SNOWSUIT si shpëtim… Dikur konsideroheshin thjesht veshje të domosdoshme për sportet dimërore, “snowsuit”-i sot është shndërruar në një ikonë të modës në stinën e dimrit. Prakticiteti, komoditeti dhe ngrohtësia kanë bërë që këto kostume të jenë “ideale” për udhëtimet në vende të ftohta dhe kryesisht në zonat ku ka dëborë. Ngjyrat neutrale si e bardha, bezha dhe e zeza vazhdojnë të jenë zgjedhje elegante, ndërsa nuancat e forta si e kuqja, bluja apo jeshilja bën që të marrim një karakter të guximshëm. Materialet “high-tech” që janë rezistente ndaj ujit dhe të ftohtit kombinohen me tekstura të buta dhe izoluese dhe na garantojnë jo vetëm stil, por edhe mbrojtje maksimale. Një tjetër arsye pse “snowsuit”-i është bërë “must-have” është prakticiteti i tij. Një veshje e vetme, e lehtë për t’u kombinuar dhe ideale për udhëtime dimërore, që u përgjigjet nevojave tona dhe që të dukemi stil pa shumë lodhje. SNOW-BOOTS – ngrohtësi në çdo hap… “Snow-Boots” janë krijuar për t’i bërë ballë dimrit dhe ditëve me shi e dëborë. Të ngrohta, rezistente ndaj ujit dhe me taban antirrëshqitës, ato ofrojnë siguri dhe rehati në çdo hap. Dizajni praktik kombinohet me linja moderne, duke i bërë të përshtatshme si për terrene me borë ashtu edhe për përdorim të përditshëm urban. Një zgjedhje e domosdoshme për ditët e ftohta, ku komoditeti ka aq rëndësi sa stili. Dizajni i thjeshtë dhe i pastër i lejon të kombinohen lehtësisht në veshjet e përditshme. COW-PRINT që tërheq vëmendjen… Për një pamje “chic” dhe të kuruar, “cow-print” kombinohet mrekullisht me ngjyra neutrale si e bardha, e zeza, bezha apo kafeja. Këto modele kanë nisur të përdoren shumë muajt e fundit, duke u preferuar edhe nga personazhe me ndikim. Duket se kanë “pushtuar” botën e modës dhe që po pëlqehen në masë. Në stilin e përditshmërisë, “cow-print” shfaqet në xhaketa oversize, pantallona apo funde, të kombinuara me çizme të thjeshta dhe syze. Ndërkohë, për një look më “glam”, ky stil merr jetë në fustane sateni apo detaje luksoze që tërheqin vëmendjen. Gjithashtu një pallto “cow-print” mbi një veshje minimaliste krijon një pamje mahnitëse, ndërsa aksesorët me këtë motiv, si çanta, këpucë apo rripa janë zgjedhja ideale për ata që duan të ndjekin trendin pa e tepruar. “Cow-print nuk është thjesht një trend, por një mënyrë për të shprehur guximin. Këtë sezon, ta lejojmë veten të eksperimentojmë dhe ta bëjmë “cow-print” pjesë të garderobës tonë. Mos harroni AKSESORËT me motive “cow-print” Përveç veshjeve që kanë motive “cow-print” ka disa aksesorë të tjerë që do të plotësojnë “outfitin” tuaj. Çantat, rripat apo këpucët dhe syzet do të bënin të dukeshin “chic” dhe të merrnin vëmendjen pa e kërkuar. Kombinime të cilat nuk do t’iu zhgënjejnë në asnjë situatë dhe që do të ndiheshit më mirë me veten. Edhe syzet janë një tjetër detaj që do të plotësonte veshjen tuaj. Ndërkohë edhe thonjtë me motive “cow-print” nuk mbeten prapa. Kombinimi i duhur i tyre do t’iu nxjerrë në “dritë” dhe të shkëlqeni pa shumë mundim. FUNDET ME PALA Fundet e shkurtër janë një tjetër ide e shkëlqyer për kombinime në këtë muaj. Fundet e shkurtra me pala rikthehen si simbol i finesës dhe stilit modern. Me lëvizjen e tyre të lehtë dhe prerjen që thekson siluetën, ato sjellin një kombinim perfekt mes elegancës klasike dhe trendit bashkëkohor. Të përshtatshme si për ditën ashtu edhe për mbrëmje, këto funde rehati dhe një pamje femërore plot hijeshi. Të veshur me geta të trasha poshtë dhe të kombinuara bukur me këmisha, triko deve apo “hoodie” japin një tjetër pamje. Në fakt këto fundet, me pala ose jo na dërgojnë pas në kohë, ku na kujtohet uniforma e kolegjit. Pikërisht kombinime të tilla janë përqafuar në masë nga influencër dhe jo vetëm. Këtë “outfit” mund ta kombinoni me çizme sipër gjurit, me atlete ose kambale. Madje nëse e vishni me këpucët e famshme “Prapa” mund të vishte edhe një palë çorape të bardha sipër getave. KOSTUMET SPORTIVE Kostumet sportive një ngjyrëshe ose jo janë padiskutim shpëtimi jonë në këtë periudhë kohë. Diçka të tillë mund ta kombinojmë me xhup, pallto ose me jelek puffi, mundësitë janë të shumta. Padiskutim që veshjet sportive të çdo lloji janë dhe do të mbeten zgjedhja jonë e parë për t’u ndjerë ngrohtë dhe comfort. Por të kombinuara me atlete sportive gjithashtu, me një mini “bag” apo dhe kapele do të dukemi bukur dhe “cool” në të njëjtën kohë. Kostumet sportive oversize kombinojnë rehati maksimale me stil modern. Prerja e lirshme ofron lëvizje të lehtë dhe ndjesi komoditeti gjatë gjithë ditës. Të përshtatshme si për aktivitete sportive ashtu edhe për veshje të përditshme, ato janë zgjedhja ideale për një pamje trendi dhe relaksuese.

NGROHTËSI dhe KOMODITET në këto ditë të ftohta dimri

Floridona Ademaj

Artikuj të ngjashëm Artikuj

Stili i nxehtë, që flet vetë

Mirëse vjen verë

Pak retro, shumë chic! Detajet marrin “pushtetin” në verë

Joni Peçi zbret Hënën e Tij në pasarelë

Me një veshje s’vjen PRANVERA!

SHKURTI I DASHURISË

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

NGROHTËSI dhe KOMODITET në këto ditë të ftohta dimri

Floridona Ademaj

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?