SARA ON TOP

Në çdo histori të madhe lidershipi, është dikush që mban themelet e forta — besnike, e fuqishme dhe e pazëvendësueshme për frymën që përcjell në punë. Për familjen më me ndikim në median shqiptare, kjo është Sara Hoxha.  Në moshën 29-vjeçare, Sara është konsoliduar si krahu i djathtë ideal: producente vizionare e Big Brother VIP Albania, aksionere në një prej perandorive më të mëdha mediatike të vendit, dhe mbështetësja kryesore e motrës së saj, CEO-s që udhëheq ballëhapur. Siç pëlqen ta thotë vetë Sara: “Është njesh për të qenë dysh”. Në këtë rrëfim të rrallë dhe të sinqertë, ajo ndan me ne ndjesitë e ndërtimit të një trashëgimie nga prapaskenat, mënyrën sesi dhimbja është kthyer në forcë, dhe fuqinë e heshtur, por të pathyeshme, të të qenit gjithmonë ajo ku mund të mbështetesh.

Tani që Big Brother ka përfunduar një rrugëtim, por bëhet gati për udhëtimin e radhës, ëndrrat e Sarës, përpjekjet dhe misioni i saj nuk mund të shihet veçmas suksesit të një produksioni. Një puthje pas shprehjes “natën e mirë dhe paçi fat”, një përqafim pas një rrugëtimi të lodhshëm nuk janë vetëm pak sekonda televizive, por janë një sfidë që kurorëzohet me sukses. Cila është vajza, nëna, bashkëshortja, partnerja dhe mendja e zemra e këtij produksioni e zbulojmë në këtë numër të revistës NewsBomb.