Po afron errësira…

Evropa po përballet me krizën më të madhe energjetike: Në Zvicër, autoritetet u kërkojnë banorëve që të mbajnë QIRINJ nëpër shtëpia. Në Gjermani e Francë po rivendosen në punë çentralet e qymyrit. Hollanda ndërkohë ka hequr masën e kuotave të karbonit… Në Shqipëri, vazhdojmë harxhojmë energji si… ”sheikët”. Nuk i shkon në mendje kujt të kursejë, nga dritat e rrugëve, tek shtëpitë me kondicionerët hapur. Dimri do jetë i vështirë. Duhet të nxirrni nga bodrumët, gjeneratorët…

576 mijë pensionistë kryefamiljarë, pensionistë me pension më të vogël se gjysma e pagës minimale dhe familje në nevojë, në sajë të Paketës së Rezistencës Sociale, nga 1 prilli 2022, morën për tre muaj kompensimin e çmimeve të rritura të shportës së mallrave ushqimore, me 3 mijë lekë në muaj. Ky kompensim, edhe pse fare i pamjaftueshëm, ndihmonte disi.

Më 1 korrik 2022, mbaroi afati tremujor i kompensimit të Paketës. Qeveria ende nuk e ka ripërtëritur këtë afat, edhe pse për gjashtëmujorin e parë janar-qershor 2022, ka të ardhura rekord shtesë në buxhet, me mbi 440 milionë euro. Çfarë e detyron qeverinë të mos ripërtërisë mbështetjen e paktë ndaj shtresave në nevojë? Po pret Armagedon-in energjitik?