NOVEMBER 2 REMEMBER

Kur dëgjon fjalën nëntor menjëhere mendja të shkon tek vjeshta, çokollata e nxehtë dhe pse jo edhe tek festa e Pavarësisë. Nga ana tjetër ky muaj është shumë i rëndësishëm edhe për fashionistët, blogeret dhe ata që janë të fiksuar pas blerjeve, sepse nëntorin e lidhim edhe me “Black Friday”… Edhe pse nuk jam stiliste apo “influencer” (më bën shumë për të qeshur kjo fjalë), vazhdoj të besoj fort që secili prej nesh ka stilin e tij unik dhe që e bën të ndihet i veçantë nga të tjerët. Unë jam shoqe e Jonida Maliqit (që për mua është e vetmja fashion icon në Shqipëri) por vazhdoj të mbetem imune dhe mos të influencohem nga brand-et e mëdha ama tendencat patjetër që po.

Meqënëse Instagramin e bëj copë këto kohë duke parë të gjitha blogeret e mundshme, se si janë zgjuar, çfarë reel-sash kanë postuar dhe se cilat janë veshjet më të përshtatshme për muajin e artë nëntorin vendosa të ndaj me ju disa nga trendet që mund të na përshtaten të gjithëve. Fatmirësisht edhe koha ka qenë në favorin tonë dhe në muajin e fundit të vjeshtës mund të eksperiemtosh sa të duash me ide veshjesh dhe stilesh. Larmishmëri ngjyrash, modelesh, duke filluar nga klasikja e deri tek më sportivja do t’ju bëjnë të dukeni super “stylish” në rrugët e Tiranës, po pse jo edhe në ato të Europës (nëse keni në plan të bëni një udhëtim)… Gjithnjë nëse jeni të vaksinuar!