Nga maja e FLOKËVE te maja e GISHTAVE, nëntori “vishet” me BURGUNDY

Nëntori ka hyrë me hapa të qetë, por me plot karakter. Është muaji kur moda flet me nuanca të buta dhe tekstura që përkëdhelin shqisat. Veshje dhe kombinime me material ‘deve’, me shkëlqim të lehtë bëhen protagoniste të një stili që ndërthur nostalgjinë me modernitetin. Ky muaj vjen si një përqafim i butë mes vjeshtës dhe dimrit, duke sjellë me vete frymën e elegancës së qetë dhe ngjyrave të ngrohta, këtë herë në nuanca të buta si “caramel cream”, gri pluhuri, jeshile ulliri dhe mbi të gjitha me burgundy. Në këtë artikull të revistës “Newsbomb” do të sjell trendët më të fundit që kanë “pushtuar” botën e modës, nga flokët, te kapelet, thonjtë dhe ngjyra që ka “çmendur” të gjithë, burgundy . Ide kombinimesh që të dukeni shumë “cute”. FLOKËT: Flokët kanë qenë gjithmonë dhe do të vazhdojnë të jenë pjesë e pandashme e stilit personal, një mënyrë për të treguar se kush jemi pa pasur nevojë për fjalë. Ky muaj na e forcon këtë ide më shumë se kurrë, duke sjellë një rikthim te natyraliteti, butësia dhe ngjyrat e pasura që reflektojnë ritmin e stinës. Këtë muaj, ngjyrat dominuese janë ato që ngrohin dhe zbutin pamjen, bakri i errët, çokollata e thellë me nuanca karamel dhe biondja e mjaltit që rikthen “dritën” në flokë edhe në ditët gri të vjeshtës. Për ata që duan diçka më të guximshme, ku edhe tonet e vjollcës së errët janë zgjedhjet perfekte për një dukje misterioze e moderne. Në aspektin e stilimit, trendet e nëntorit shkojnë drejt teksturës natyrale, valë të buta që duken sikur janë krijuar nga era, bob-e të shkurtër me prerje të pastra që theksojnë tiparet dhe gërshetat e ulët e të lëmuar që japin një ndjesi minimalizmi elegant. Gjithnjë e më shumë, flokët po bëhen një “fushë loje” për të bërë eksperimente me volumin, shkëlqimin dhe formën, e që janë thelbësore për çdo look. KAPELET: Nëntori është muaji ku kapelet kthehen në një aksesor të domosdoshëm për të dhënë prekje të veçantë dhe elegancën që plotëson çdo veshje. Nga kapelat klasike e deri te ato të stilit franceze plot sharm, ky aksesor është mënyra më e lehtë për të shtuar karakter e finesë në pamjen e përditshme. Materialet si lesh merino, kadifeja dhe kamoshi janë zgjedhjet më të përshtatshme për nëntorin, të buta, të ngrohta dhe me një ndjesi luksi diskret. Kapelet e këtij muaji nuk janë thjesht një detaj mbi kokë, por ato janë një pjesë stili që tregon vetëbesim dhe kujdes. Kapelë Berete + pallto klasike + shall leshi del një pamje pariziene e përjetshme, perfekte për ditët e ftohta në qytet. Kapelë Fedora + xhaketë lëkure + çizme të gjata bën kombinim modern me prekje “bohemiane”. Kapele dibrore ose siç quhet ndryshe kapuc +triko oversize + pantallona të ngushta krijojmë një stil komod dhe praktik për fundjavë. THONJTË: Thonjtë nuk janë vetëm detaj, janë mënyra më e bukur për të treguar stilin dhe kujdesin ndaj vetes. Nga nuancat neutrale e elegante deri te dizajnet kreative plot ngjyra, çdo manikyr tregon diçka unike për ne. Këtë muaj, ngjyrat dominohen nga paleta e tokës dhe e ngrohtësisë, kafe çokollatë, bakër, karamel, burgundy dhe ulli i errët. Këto tone sjellin një elegancë natyrale që përshtatet për çdo rast, nga përditshmëria e thjeshtë deri te mbrëmjet e ftohta me ndriçim të butë. Thonjtë e nëntorit nuk janë vetëm një zgjedhje estetikee, janë një mënyrë për të ndier ngrohtësinë, për të ruajtur hijeshinë dhe për të përqafuar stinën me stil e finesë. Le t’i bëjmë duart tona të flasin me thonjë perfektë, të kujdesshëm dhe plot shkëlqim! French me kthesë vjeshte – bazë nude + vijë me ngjyrë portokalli të errët ose burgundy. Minimal art – gjethe të vogla, pika ari ose vijëza të holla me tone toke. Matte look – manikyr mat me një detaj me shkëlqim në një gisht. BURGUNDY: Në këtë stinë, burgundy del në pah si ngjyra që përfaqëson elegancën, pasionin dhe finesën e qetë. Kjo nuancë midis së kuqes dhe së kafesë është një zgjedhje e përkryer për t’i dhënë karakter çdo veshjeje, qoftë në ditët e zakonshme apo në mbrëmje festive. Burgundy përcjell ngrohtësi dhe vetëbesim, është ngjyra që të fton të eksperimentosh me tekstura, duke u kombinuar në mënyrë magjike me kadife, lëkurë apo saten. Ajo funksionon si një ton neutral i pasur, që mund të përdoret si element dominues ose si detaj aksesor për të theksuar çdo look. All-burgundy look – pantallona kadifeje, pulovër e butë dhe pallto të së njëjtës ngjyrë për një efekt monokrom elegant. Burgundy + bezhë / krem – kontrast i ngrohtë dhe i rafinuar për ditët me diell të ftohtë. Burgundy + gri e hapur – kombinim perfekt për zyrë ose evente formale, me xhaketë strukturuar dhe këpucë klasike. Burgundy + e zezë – kombinim klasik, misterioz dhe gjithmonë në mode.

Nga maja e FLOKËVE te maja e GISHTAVE, nëntori “vishet” me BURGUNDY

Floridona Ademaj

Artikuj të ngjashëm Artikuj

Stili i nxehtë, që flet vetë

Mirëse vjen verë

Pak retro, shumë chic! Detajet marrin “pushtetin” në verë

Joni Peçi zbret Hënën e Tij në pasarelë

Me një veshje s’vjen PRANVERA!

SHKURTI I DASHURISË

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Nga maja e FLOKËVE te maja e GISHTAVE, nëntori “vishet” me BURGUNDY

Floridona Ademaj

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?