Na ishte një herë gazeta/ Media e Tiranës në konfliktin e Kosovës, 1999-2000

E vërteta është se gazeta vdiq. Por, po aq e vërtetë është se media nuk ka vdekur. Ajo është transformuar në një formë tjetër duke bërë Mbret portalin. Në këtë transformim, e trishtueshme është zhdukja e reporterit dhe e dëshirës për të shkruar. Si një gdhendje me daltë në shkëmb, përballë të shkruarës me gisht në rërë, të cilën e për pak sekonda e zhbën dallga, sot cilësohen të arta vitet kur bëhej gazetari, arma më e fortë e të cilës ishte beteja për lajmin më të mirë dhe të shkruarën më të mirë. Jo se në atë kohë nuk ka patur probleme. Madje, shumë. Por, funksiononte hierarkia e vlerave, një gjë që sot është një temë dhe fjalë e huaj.

Në numrin e këtij muaji të revistës “Newsbomb” po sjellim mënyrën se si media shqiptare, veçanërisht ajo e shkruar, ka trajtuar lajmet për Kosovën. Dhe në këtë periudhë kemi një situatë të nxehtë.