“Moda me aromë petalesh”

Jemi zyrtarisht në muajin e dashurisë, por a mund të ndalemi një çast për t’i bërë një premtim vetes?! A mund ta duam atë më shumë, ama këtë herë jo vetëm me fjalë, por duke i blerë një aksesor, duke i dedikuar një kafe në natyrë në orët e para të mëngjesit ose duke e regjistruar në një klasë Yoga… Janë pikërisht këto gjëra me një kosto të vogël, të bëra me shumë dashuri për veten, të cilat mund të na ndryshojnë ditën dhe perceptimin tonë përballë agjendës së një gruaje shqiptare e cila meriton “të vishet” në çdo stinë të vitit me aromë petalesh… Nga java e modës së lartë në Paris, tek Grammy 2025 dhe qershia mbi tortë; kapelja e Melania Trump që tërhoqi vëmendjen e modës, ndërsa Donald Trump u betua si Presidenti i 47 i Shteteve të Bashkuara të Amerikës. Në këtë artikull të Revistës NEWSBOMB.al, do të njiheni me disa kombinime dhe disa këshilla praktike që mund t’jua lehtësoj pyetjen tunduese që kemi thuajëse çdo mëngjes: “Po sot çfarë do të vesh?!”