Marjeta Ljarja: Rikardi që ju nuk njihni!

Për këdo ndodh që kur një njeri i shtrenjtë largohet nga jeta të gjithë ne e kërkojmë atë tek kujtimet (madje ato i kemi të shenjta), kjo ndodhi dhe me Marjeta Ljarjan. Duke dashur t’i sistemonte edhe njëherë mirë shkrimet e ruajtura me kujdes të Rikardit, asaj ju rizgjuan edhe njëherë emocionet që ai kishte provuar. Pasi u konsultua me miq të tyre vendosën që ato shkrime të botohen. Me ndihmën e gazetarit Dashnor Kaloçi dhe dashamirësisë së shtëpisë botuese “Onufri” vjen për artdashësit botimi “Rikardi- Nuk kam asnjë peng”. Një libër që do të ndihmojë të gjithë lexuesit e letrave për ta njohur Rikardin në një dimension tjetër. “Është një libër memorie dhe ndoshta artdashësit e veçantë të tij duke lexuar këtë botim, do të njohin një tjetër dimension të Rikardit”, thotë Marjeta Ljarja. Për hir të së vërtetës nëse i hedh një sy shkrimeve të artistit ajo që të bie në sy është se në çdo artikull ka mendime të ndryshme dhe asnjë nuk është i ngjashëm me një tjetër. Rikard Ljarja nuk e quante veten shkrimtar. “Unë nuk jam shkrimtar, por shkruaj njësoj si miliona njerëz në këtë botë që kanë shkruar dje, shkruajnë sot e nesër do të vazhdojnë të shkruajnë”, ka thënë Rikard Ljarja i cili për të gjithë ata që nuk e dinë është autor i gjashtë botimeve. “Një humbëtirë këtej rrotull”, “Kohë qensh etj”, “Tymi Kronikë bardhezi”, “Josifpedia” “9 shkurta”, “Prill” që për fat të keq si gjejmë dot në asnjë librari. “Arsyeja e parë është që Rikardi mjaftohej me botimin e librit, por nuk interesohej për promovime madje nuk shkonte as në panaire”, thotë Marjeta Larja. Keni ndonjë libër të preferuar të tij, e pyes unë “Kam disa si përshembull “Kohë qensh”, “Tymi Kronikë bardhezi”, “Josifopedia”… Miqtë për librin e Rikardit Ndihmesë të veçantë për të përballuar emocionet e bashkëshortes së Rikard Ljarja, Marjeta Ljarja ka dhënë gazetari Dashnor Kaloçi. “Kam marrë mendime nga shumë miq përpara se ta botoja sepse thoja mos ndoshta më dominon emocioni i largimit të njeriut tim të shtrenjtë dhe kisha frikë mos dilte një botim sentimental”, tregon Marjeta. Ajo i ruan me shumë kujdes dhe fanatizëm të gjitha dorëshkrimet e bashkëshortit të saj madje edhe skenarët e filmave tij. “Ai arriti të bënte një seleksionim të veprave të tij dhe duke e respektuar këtë seleksionim besoj që ky do të jetë botimi i tij i fundit, por për nostalgji unë do të vazhdoj të ruaj çdo dorëshkrim të tij. Është shumë kënaqësi dhe madje shumë përgjegjësi të bësh libër i cili do kohën e vet. Prandaj unë do t’i ruaj të gjitha në bibliotekën tonë familjare”, thotë Marjeta Ljarja. Marjeta dhe Rikardi Është e çuditshme por e vërtetë se si një çift kaq i dashur, kaq i njohur në Tiranën e viteve ‘80, kaq të adhuruar, të përfolur dhe duke përballuar çdo lloj sfide në jetën e tyre, zgjodhën që gjithçka ta mbanin larg vëmendjes mediatike. Ata kanë jetuar mbi 40 vjet në një nga rrugët më të famshme të Tiranës, gjithnjë të respektuar si nga kolegët por mbi të gjitha nga publiku i thjesht i kryeqytetit. Ata u njohën në sheshxhirim. Ajo ishte 22 vjeç ai 34 (në kulmin e suksesit) ku i bëri bashkë filmi “Në pyjet me borë ka jetë”. Regjisori Rikard Ljarja asokohe ishte në kërkim të një aktoreje dhe mendja i shkoi larg Tiranës, në qytetin e bukur të Pogradecit. ‘Mu kujtua një vajzë që kisha patur në Institutin e arteve, fizionomi e mirë nga Pogradeci. Filluam xhirimet e filmit dhe mes nesh u krijua një marrëdhënie e ngrohtë. Ishte filmi që gjeta bashkëshorten ”, ka thënë Rikard Ljarja në emisionin “Përballë” në Digitalb. Në po të njëjtin emision Marjeta Ljarja i tregon më ëmbël fillimet e tyre të dashurisë. “Marrëdhënia jonë kishte avancuar por ne nuk kapeshim dorë për dore sepse unë isha shumë e ndrojtur. Isha dorëzuar përpara një ndjenje të sinqertë, por kur mbaruan xhirimet e filmit dhe ne u kthyem në Tiranë aty kuptova se me kë kisha të bëja dhe dashur pa dashur u kujtova që kisha thyer edhe betimin që “nuk do të martohesha kurrë me një aktor”, është shprehur Marjeta Ljarja. Pak rikujtesë për karrierën e Rikard Ljarjas “Artisti i Merituar” Rikard Ljarja e ka nisur karrierën e tij në moshën 23 vjeçare me filmin “Komisari i dritës”, prodhuar në vitin 1966 nga regjisori Dhimitër Anagnosti dhe Viktor Gjika. Personazhi i Dritan Shkabës u kthye menjëherë në idhullin e kohës dhe siç ka rrëfyer Rikard Ljarja emri “Dritan” u përhap masivisht asokohe në Shqipëri. Për këtë film pati aq shumë interes sa biletat e tij u shitën 100 lekë në treg të zi (një shaka). Më pas ai vijoi me të tjera prodhime të suksesshme kinematografike si “Duel i Heshtur” në vitin 1976, “Gadhnjim mbi vdekjen”, “Plagë të vjetra”, “Kur zbardhi një ditë”, “Yje të netëve të gjata”, filmi ikonë i tij “Rrugë të bardha” ku interpretoi dhe spikati me personazhin e Dedës. Ndërsa si regjisor, Rikard Ljarja njihet për filmat “Fundi i një gjakmarrjeje”, “Dita e parë e emërimit”, “Radiostacioni”, “Skëterrë” me skenarist Bashkim Shehun, etj. Përpos regjisë ai ishte edhe skenarist i filmit autor “Pesha e kohës” dhe “Kur hapen dyert e jetës”. Nga viti 1996 dhe deri kur doli në pension Rikard Ljarja punoi si drejtor artistik në Televizionin Publik Shqiptar… Marjeta Ljarja rikthim pas shumë vitesh në skenë Marjeta Ljarjas i shkëlqejnë sytë si të një fëmije të lumtur sa herë që e pyesim për filmin. “E di pse e adhuroj filmin sepse nuk ke ku fshihesh. Te filmi je e vërtetë, ke mundësi të jesh e thellë, nuk kushtëzohesh si jam sot e si jam nesër, ke mundësi ta çosh deri në fund atë që ti do”, rrëfen artistja. Marjeta Ljarja ka lindur në Pogradec, ka qenë një nxënëse e shkëlqyer dhe dëshira e saj ishte që të bëhej një inxhiniere ndërtimi. Por jeta e saj mori një rrjedhë krejtësisht tjetër nga çfarë dëshironte. Me shumë role në kinema e teatër ku më të spikaturit kanë qenë “Vajzat me kordele të kuqe”, në rolin e Jetës, “Fillim i Vështirë”, “Rrethi i kujtesës” për të cilat është vlerësuar me tre kupa për rolet e saj në kinema. Por duke nënqeshur Marjeta thotë: “ unë di të tërhiqem, di të hesht… Por edhe këtë herë më bëri të thyej heshtjen Rikardi me librin e tij dhe më bëri të kujtohem që jam aktore me largimin e tij”… Ajo u rikthye për të rimarrë edhe njëherë duartrokitjet e publikut shqiptar me shfaqjen “Tre dimra”, e cila vjen nën regjinë e Rozi Kostanit në Teatrin e Metropolit. “Tre dimra është një pjesë shumë e bukur, e vënë me shumë dashuri në skenë nga regjisorja Rozi Kostani dhe e shkruar me mjeshtëri nga autorja Tena Stivicic. Rozi ka ditur të zgjedhë kastin e duhur të aktorëve duke bërë një gërshetim të mirë mes brezave. Më kishte marrë malli për kolegët, por u kënaqa edhe me të rinjtë e talentuar”, tregon ajo. Por a ka marrë ndonjë ftesë për film Marjeta Ljarja?! “Kam një ëndërr… por për film është shumë vështirë… A do të vazhdoni të aktivizoheni më shumë tani e tutje? “Po. Rikardin se kam, mbesa dhe nipi që më kanë dhënë një kënaqësi të jashtëzankonshme si gjyshe mu larguan jashtë atdheut. Tani e vetmja gjë që di të bëjë mirë është aktore”…

Marjeta Ljarja: Rikardi që ju nuk njihni!

Nga Suada Daci

Artikuj të ngjashëm Artikuj

“Non grata”? Tronditja amerikane për Shqipërinë

S.O.S. Bujqësia! Si po dështon qeveria, hipur lesës së qeve!

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Rinia e një diktatori që s’e donte artin

HISTORIA E GRUAS SHQIPTARE/ Nga perçja te teatri, nga malet tek vota

Shkëlqimi dhe rënia e Dinamos

Artikujt më të lexuar

POLICËT e lënë rrugëve: Pa bukë, të pasiguruar e pa shtesë page jashtë orarit

Zengjinet e qeverisë

Ori Nebiaj për politikën dhe filizat e reja të dashurisë

Grinta prej Grifshe e Gridës

VALENTINA DUKA: Gabimi më i madh në jetë kur i thashë “PO” Lulzim Bashës

Rinia e një diktatori që s’e donte artin

“Non grata”? Tronditja amerikane për Shqipërinë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Marjeta Ljarja: Rikardi që ju nuk njihni!

Nga Suada Daci

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?