Liria e prillit

Ndryshimi i stinëve nga dimri në pranverë është periudha më emocionuese e vitit. Outfit-e e lehta, fustanet apo edhe fundet e mëndafshit të japin një ndjenjë lirie të jashtëzakonshme. Dhe kur bëhet fjalë për tendencat e pranverë 2023, redaktorët e modës kanë filluar tashmë të japin këshillat e tyre të para dhe të sugjerojnë veshje praktike duke e vënë theksin më shumë tek përditshmëria. Në një botë aspak të përsosur ajo që na vlen më shumë është të dukemi bukur, të bëjmë atë foton perfekte në Instagram ku vdesim të tregojmë veshjet e ditës (OOTD siç thuhet në gjuhën e blogereve ) por mbi të gjitha edhe për t’u ndjerë komodë… Se në fund të ditës kjo është ajo që duhet të na interesojë…