LILI CINGU, KËMBËT QË VALLËZOJNË ENDE

Jeton jetën siç e ka dashur dhe siç e do, edhe pse, në këtë rrëfim për Newsbomb.al tregon se ka disa pengje: nuk ka peng pse nuk është martuar, por e ka peng se pse nuk lindi një vajzë. Ose trishtohet shumë kur sheh sot gjendjen e Ansamblit të Valleve, kur dikur, siç thotë edhe vetë, këmbët e saj të Rexhep Çelikut apo Bekim Zekthit kullonin gjak, jo djersë. Por ja ku është situata sot, askush nuk u kujtua thotë Lili Cingu për 5 vjetorin nga ndarja të Rexhep Çelikut, duke e ditur se nuk ka ardhur një i dytë si ai. Madje madje, as pension të posaçëm nuk i lidhën sa ishte gjallë. Lili Cingu tregon sesa e fortë duhet të jesh për të mbajtur skenën gjallë, por mbi të gjitha sa e pamposhtur duhet të ishe dhe të jesh në jetën e egër të brrylave, cmirës dhe thashethemeve…