Kur të huajt ‘vdisnin’ urie dhe lirie…

Turizmin në Shqipërinë komuniste. Cilat ishin hotelet më të mira, menuja për të huajt dhe destinacionet “më të bukura” që mund të prezantonte vendi ynë?

Në Shqipërinë komuniste ishte e vështirë të bëje pushime. E vështirë ta njihje këtë vend që kishte mbyllur kufijtë për botën perëndimore, që në fakt ishte thuajse e gjithë bota. Vendi ynë për thuajse 50 vite ishte një joshje njëlloj si ishulli i Leonardo di Caprios në filmin “The beach”. Por ndryshe nga sa aty vetëm destinacioni është “i ndaluar, i kontrolluar, i fshehtë”, Shqipëria e asaj kohe kishte edhe kushtet e veta. Veshja, ushqimi, aparati fotografik, interesi për vendet fetare, pyetjet, por edhe mendimet duhet të ishin të kuruara sipas realizmit socialist. Sepse që në momentin kur do të duhej të mendoje për pushime në Shqipëri, duhet të dije si të mendoje si socialist i kohës dhe të merrje të mirëqenë që udhërrëfyesi yt ishte një komunist që do të raportonte gjithçka te Nëna Parti. Në fund të fundit, në shtëpitë tona është mirë që nëna t’i dijë të gjitha. E për ata që jetonin këtu ishte krejtësisht normale kjo situatë, sa kohë kishin pranuar, që fletën e lejes së pushime, KU dhe KUR ta përcaktonte ndërmarrja ku punoje. Nëse nuk të takonte të pushoje, nuk do të pushoje.