Korça shpall falimentin, e shpëton…Nikua

I konsideruar si një nga qendrat arsimore më të rëndësishme në vend, Universiteti i Korçës rrezikon të falimentojë. Vendimi dhe më pas tërheqja e senatit të univesitetit të Korçës për t’iu bashkuar universitetit të Tiranës, futi në ankth politikën dhe hapi “kutinë e Pandorës” për situatën ku ndodhen universitetet rajonale në vendin tonë. Për të shpëtuar universitet nga gremina, qeveria miratoi një VKM sipas të cilës do të paguajë 40 mijë lekë studentët që zgjedhin degët preferenciale.

Kur Pandeli Sotiri hapi mësonjtoren e parë në Korçë pas lejes së marrë nga vëllezërit Frashëri me një ferman të Sulltanit, nuk do të mund ta imagjinonte kurrë se afro një shekull e gjysëm më pas, arsimi do të rrezikohej e tronditej nga themelet në këtë qytet, që bash në krye të vendit, ruan si relike godinën e Mësonjtores së parë shqipe. Asokohe, me popullsinë që ishte, ky popull arsimdashës, regjistroi në shkollën e parë shqipe 160 djem, orthodoksë e myslimanë.