Fushata e veçantë e AKU për një sezon veror të sigurt

Korridoret e Agjencisë Kombëtare të Ushqimit ziejnë këto ditë nga një gjallëri që këtë herë është përtej të zakonshmes. Trupat inspektuese nxitojnë me padurim për të qenë pranë konsumatorëve, sa më shpejt këtë sezon. Dhe kjo jo rastësisht. Drejtuesit kanë ndërmarrë javët e fundit një nismë shumë të veçantë, ndër më kuptimplotat e viteve të fundit. Institucioni garanton prezencë në terren për informimin dhe edukimin e konsumatorit. Gjithçka është gati, fushata do të nisë së shpejti dhe prioritet do të jenë direkt qytetarët, pushuesit dhe turistët e shumtë që do të zgjedhin Shqipërinë këtë sezon veror. Një manual për sjelljen e konsumatorëve dhe përgjegjësinë që lind nga dëshira për të shijuar ushqimet e mrekullueshme shqiptare. Sezoni veror në Shqipëri ka nisur por jo për të gjithë ky është një sezon relaksi dhe pushimesh. Këto koncepte janë të panjohura për entet shtetërore, të cilat përgjatë këtij sezoni, ashtu si dhe pjesën tjetër të vitit, duhet të jenë në terren, për të kontrolluar tregun e për të mbrojtur konsumatorin. Autoriteti Kombëtar i Ushqimit është një nga institucionet që impenjimin e ka maksimal përgjatë verës. Për punonjësit, kjo është diçka normale sepse mbi të gjitha e dinë që misioni i institucionit ku shërbejnë ka në fokus qytetarin, konsumatorin. Ideja për prezencë të shtuar në terren për edukimin dhe informimin e konsumatorit është konceptuar e tillë që punonjësit e Autoritetit Kombëtar të Ushqimit, në drejtorinë qendrore dhe ato rajonale, të planizohen pranë plazheve, zonave me prezencë të lartë turistësh dhe qendrat e qyteteve turistike që janë përherë shumë të frekuentuara. Prania e një informuesi dhe edukuesi zyrtar do të lehtësojë disa nevoja konsumatore të cilat ndër vite kanë qenë një lloj shqetësimi I patrajtuar në mënyrën e duhur. Për përmbushjen e kësaj nisme në të gjitha aspektet e saj, AKU ka bërë rakordim të punës me të gjithë drejtoritë e saj rajonale dhe institucionet e pushtetit vendor, për të shtrirë prezencën e punonjësve të vet në territor, sidomos në zonat e spikatura turistike. Paralelisht me informimin dhe edukimin e konsumatorit, duke përfshirë ata shqiptarët por edhe pushuesit e turistët e tjerë, është vendosur dhe ngritja e një Task Force të posaçme. Ajo do të funksionojë përgjatë sezonit veror si një element që tregon shumë për përmbushjen e misionit të Autoritetit, jo vetëm për kujdes njerëzor dhe institucional, por edhe kujdes ligjor i cili shpesh zbehet pa dashur nga rrëmuja sezonale. Dhe për të garantuar konsumatorin mbi zgjedhjet e veta, AKU aplikon edhe presionin vëzhgues në terren për prodhuesit dhe tregtuesit ushqimorë. Task Forca në vetvete tregon jo vetëm vëmendje të shtuar ndaj cilësisë prodhuese apo përpunuese, po edhe një rikonfirmim të dedikimit dhe zbatimit të ligjit deri në ekstremin e tij me detaje, me vendosmërinë që meriton çdo konsumator. Dhe mbulimi i të dy krahëve, atij prodhues/përpunues dhe atij konsumator, shkrihet në një element që shumëkush do të donte ta kishte të garantuar: siguria maksimale ushqimore. Kjo fushatë e ideuar nga drejtuesit dhe e ndërmarrë nga Autoriteti Kombëtar i Ushqimit këtë sezon veror, vjen si një nevojë që i shërben drejtpërdrejt konsumatorit, sado përpjekje që të bëhen nga institucionet inspektuese apo monitoruese, sepse nisma të tilla vetëm e përmirësojnë tregun. Por nëse gatishmëria e institucionit për të qenë në lartësinë e detyrës është e garantuar, çfarë duhet të ndodhë me konsumatorin?! A duhet të jetë konsumatori kureshtar dhe merakli për të kërkuar vetë informacion për sigurinë ushqimore?! Këto janë pyetje që shpesh karakterizojnë debatin shoqëror, nëse kujdesi duhet të jetë vetëm institucional apo edhe individual. Pavarësisht kujdesit të AKU-së dhe fushatës së ndërmarrë, kërkohet që edhe nga konsumatorët të ketë një vetë-sensibilizim për sigurinë ushqimore. Pra, ai duhet të dijë çfarë konsumon dhe sigurinë që i ofrohet duke shfrytëzuar manuale e burime të hapura, jo vetëm të marrë informacion kur i del përpara një zyrtar i entit përgjegjës. Në këtë drejtim, Autoriteti Kombëtar i Ushqimit ka qenë pararojë e zhvillimeve që kanë prekur dhe sigurinë ushqimore. Prej kohësh, paralelisht me fushatat gjithëvjetore për kujdes ndaj konsumatorit, institucioni ka hedhur hapa të mëdhenj edhe në aspektin e përfaqësimit tejet informues dhe edukues në adresën e vet zyrtare në internet. Veç prioritizimit të informacionit edukues dhe trajtimit të shqetësimit sezonal për ushqimet, AKU ka përfshirë ekspertizën më të mirë bashkëkohore te ekspertëve të vetë, atyre të huaj, si edhe opinionin teknik të përzgjedhur të studimeve bashkëkohore europiane. Drejtuesit kanë përqafuar ndryshimet e reja teknologjike, për t'i vënë ato në shërbim të konsumatorit, duke ndërtuar një faqe zyrtare në internet lehtësisht të aksesueshme nga të gjithë; me këshilla specifike për të gatuar e konsumuar shëndetshëm, për individ dhe biznese, këshilla për sigurinë ushqimore, alergjitë, helmimin në ushqime, raporte të inspektimeve periodike dhe manuale që përditësohen herë pas here. Pra, një llogari e formatuar siç duhet dhe me informacione që i vlejnë kujtdo, në shtëpi, punë dhe kur është me pushime. Edhe përse për publikun shpesh nuk përbën lajm funksionimi i një uebsajti zyrtar për një ent shtetëror, ajo është një mundësi shumë e mirë informimi që fatkeqësisht mbetet e pashfrytëzuar. Por në rastin e Autoritetit Kombëtar të Ushqimit informacioni që jepet në faqen zyrtare në internet është një nga modelet më të mira të përhapjes së dijes për konsumatorin, i cili ka dhe tiparin e përshtatjes sezonale, për njohuritë që i duhen çdo sezon konsumatorit. Stafi dhe të gjithë punonjësit, ata që të merren me anën teknike të punës dhe kujdesit për sigurinë ushqimore, në aspektin e prodhimit dhe përpunimit, ata që administrojnë ekspertizën teknike, si edhe ata që merren me shpërndarjen e kësaj ekspertize, janë angazhuar maksimalisht duke krijuar një tablo të qartë dhe me vlera të pakontestueshme profesionale mbi atë se çfarë i vlen konsumatorit e turistit sezonal. Gjithçka, e konceptuar nga këndvështrimi konsumator. Një sezon veror dedikuar plotësisht mirinformimit të publikut, përmes një nisme të veçantë të Autoritetit Kombëtar të Ushqimit që garanton të shndërrohet në një eksperiencë miqësore dhe të harmonizuar, mes një administrate të përgjegjshme dhe konsumatori të kënaqur.

Fushata e veçantë e AKU për një sezon veror të sigurt

Artikuj të ngjashëm Artikuj

Hasmëritë që tronditën Tiranën e 1800-s

AKU, garantuesi i festave të sigurta dhe cilësore

Vdekja e tragjike e Enea Thomaraj, dy prindërit zemërthyer ulërasin për ndihmë

Plaku Gjerman i humbur në velierën e Karpenit

Ne mbushim 3 vite dhe kemi një dhuratë për ju!

ELBAR, BIRRA SHQIPTARE QE NA BEN KRENAR!

Artikujt më të lexuar

Çfarë ka Akoma për Rozana RADIN!

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Një minoritet i braktisur rreth Buretos në Përmet

ERVIN SALIANJI, politikani që u “burgos” prej fjalës

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

KUR ARTISTI RRËFEN DHUNËN/ Serbia e ka humbur Kosovën që në 1989-ën

Kapodistria, kush ishte Gjon Gjika, presidenti i parë i Greqisë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Fushata e veçantë e AKU për një sezon veror të sigurt

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?