“Erina by Anila Konomi”, kur arti përqafon modën

Artistët më të mirënjohur dhe më të dashur janë ata që i spikasim dhe i ndjejmë nëpërmjet detajeve që bëjnë diferencën, me pasionin e pakusht të cilin e kanë kthyer edhe në profesion. E tillë është edhe stilistja Anila Konomi, e cila për gati tre dekada i ka dhënë shumë botës së larmishme të modës në Shqipërinë e vogël me emra që kanë shkruar historinë, njëjtë si Anila me një sfilatë që nuk është parë dhe nuk është dëgjuar asnjëherë më parë si “Erina by Anila Konomi”… Të vishesh me piktura, po po… pikërisht këtë ka bërë në bashkëpunim me piktoren Erina, që ka zgjedhur ta kumbojë artin e saj vetëm në telajo. Anila është frymëzuar nga këto piktura dhe më 3 dhjetor, veshi 12 personazhet më të suksesshme në fushat e tyre. Në këtë intervistë për Revistën Newsbomb.al, Anila na flet për sfilatën që rrëmbeu vëmendjen e të gjithëve, përse pikërisht këto personazhe si: Eranda dhe Irma Libohova, Ema Andrea, Marsela Çibukaj, Enada Hoxha, Zhaklin Lekatari, Inis Gjoni, Klodiana Shala, Anduena Llabani, Elisabeta Gjonpali, Zamira Kita dhe Eneida Xhelili… Udhëtimin e saj të gjatë në botën e modës, sfidat që ka hasur në fillimet e saj dhe si u prit tek publiku ky koleksion kapsulë.