Doni ngrohtësi dhe elegancë? ÇIZMET, SHALLI dhe PALLTOT marrin “SKENËN”

Po shijojmë ditët e një stine të “artë” siç është vjeshta. Është koha kur natyra fillon të flasë me tone të ngrohta, me erëra që pëshpëritin kujtime, me ngjyra që “flakin” tutje çdo monotoni. Është periudha kur gjethet fillojnë dhe bien, e rruga shtrohet butësisht. Tetori është muaji ku rrugët kthehen në pasarela të heshtura, ku çdo hap tingëllon mbi gjethet që bien, dhe çdo veshje flet për ngrohtësi, elegancë dhe guxim. Është koha kur garderoba merr frymë thellë dhe rifillon me tekstura të buta, pallto që përqafojnë trupin, dhe nuanca që pasqyrojnë ngjyrat më të bukura të kësaj stine, duke sjellë një stil mahnitës. Në fakt, stili i vërtetë i jonë lind kur guxojmë të jemi vetvetja, ndaj dhe ne në këtë rubrikë të “Newsbomb.al” do të sjellim kombinime të ndryshme me veshjet dhe aksesorët më trendi të këtij muaji. ÇIZMET E GJATA Nuk ka asgjë më të fuqishme në botën e modës në sezonin e veshtës sesa çizmet e gjata. Elegante, të guximshme dhe jashtëzakonisht praktike, ato janë një prej pjesëve të më rëndësishme të garderobës tonë që nuk del kurrë nga moda, por thjeshtë rikthehen sezon pas sezoni me një “frymë” të re. Por pyetje e shumë prej nesh është se: Çfarë i bën kaq të veçanta çizmet? Përgjigjja është e thjeshtë fare, janë të gjithanshme. Janë klasike me lëkurë të lëmuar, moderne, ku guxojmë me ngjyrat dhe dizanjin si dhe të rehatshme për të qëndruar këmba shumë rehat. Por për t’ua thjeshtësuar akoma më shumë këtë që thamë më sipër po ilustrojmë disa ide kombinimesh të çizmeve: 1 – Me fustane të gjatë… Krijojmë kontraste të lezetshme mes elegancës së një fustani të lehtë dhe qëndrueshmërisë së çizmeve të gjata. Mund t’i shtojmë një xhaketë të shkurtër ose një pallto klasike për një look “urban-chic”. 2 - Me triko të gjata ose pulovra oversize… Ky është kombinimi ideal për ditët e freskëta, kur kërkojmë rehati pa humbur stilin. Shtojmë një rrip në mes për të theksuar elegancën dhe për t’i dhënë veshjes tonë një tjetër pamje. 3 - Me funde të shkurtër… Një fund i shkurtër në kombinim me çizme të gjata krijon një pamje femërore, të fuqishme dhe tepër “cute”. Shtojmë këtu edhe disa “lojëra” me teksturat: lëkurë + lesh, kadife + xhins, për të sjellë thellësi vizuale në veshje. 4 - Me pantallona të ngushta ose legging-e lëkure… Për një pamje më dinamike, kombinimi i çizmeve me pantallona të ngushta është i pagabueshëm. Mund të shtojmë një xhaketë të gjatë apo një triko të thurur për një balancë të bukur mes pamjës dhe butësisë. SHALLI Nuk ka aksesor më të dashur, më të butë dhe më me personalitet sesa shalli. I ngrohtë sa duhet për të mbrojtur qafën, por edhe mjaftueshëm i lehtë për të shtuar stil pa shumë mundim, Shalli është ajo pjesë e vogël që shpesh “duket” më shumë se gjithë veshja. Në botën e modës së tetorit, shallët nuk janë thjesht aksesor, por më shumë se sa kaq. Ne po iu sjellim gjithashtu disa mënyra të kombinimeve në përditshmërinë tonë: 1 - Shalli klasik mbi pallto të gjatë Ky është kombinimi që nuk dështon kurrë. Një shall i gjatë, i hedhur lirshëm mbi një pallto të drejtpërdrejtë, krijon një pamje të rafinuar. Zgjedhim ngjyra që qëndrojnë në të njëjtën paletë për një elegancë të heshtur. 2 - Shalli mbi fustane apo bluza Për ditët më të buta të tetorit, një shall i lehtë mëndafshi apo pambuku i hollë, i lidhur në mënyrë të çrregullt rreth qafës, sjell stil dhe freski. Perfekt për në zyrë apo një kafe në qendër të qytetit dhe ky kombinim do t’iu shpëtojë. 3 - Shalli i madh (oversize) si veshje më vete Kur temperaturat fillojnë të bien, një shall i trashë oversize mund të funksionojë edhe si pelerinë. I mbështjellë rreth supeve, e lidhim me një rrip të hollë në mes dhe kemi krijuar një veshje tërësisht të re. E kombinojmë me çizme të gjata për një look modern e të guximshëm. 4 - Shalli si detaj në flokë Të mos e kufizojmë përdorimin e shallit vetëm në qafë. Atë mund ta vendosim e në kokë si aksesor. Padikskutim përveç stilit “cute” që na jep, në ditë të ftohta është “shpëtimtari” i kokës dhe ngrohtësia që na jep, na dhuron më shumë siguri dhe vetbesim. PALLTOJA Në botën e modës, pak veshje kanë forcën e palltos. Palltoja nuk na mbron veç prej të ftohtit, por është stil që flet për karakterin. Ky muaj është i saj, koha kur palltoja në këtë periudhë del nga dollapi ynë dhe bëhet protagoniste e çdo kombinimi. Kur e veshim ajo na përmbush dhe i jep tonin gjithë paraqitjes tonë. Qoftë klasike, me prerje të drejtpërdrejtë në ngjyrë camel apo gri, qoftë oversize dhe me rrip në mes për një siluetë femërore, apo e shkurtër dhe strukturore për më shumë larmishmëri, ajo ka fuqinë të shndërrojë çdo veshje në një histori suksesi. Kur e vesh, merr një qëndrim. Ec me më shumë vetëbesim, ndihesh më e përqendruar, më elegante, më në paqe me stinën në të cilën ndodhemi. Dhe meqë ra fjala tek palltoja, ne do iu japim disa ide kombinimesh: 1 - Me çizme të gjata për një pamje të gjatë dhe elegante. Asnjëherë nuk të zhgënjen, të bën të dukesh si një zonjë. 2 - Mbi një triko oversize për ngrohtësi maksimale me stil minimal dhe që do të bënte të shkëlqesh në çdo vend dhe në çdo kohë. 3 - Me një shall të gjatë, për t’i dhënë më finesë dhe elegancë veshjes tuaj. 4 - E hapur dhe e veshur me një kostum sportiv për një shëtitje dhe që do të të jepte rehati dhe shumë komoditet.

Doni ngrohtësi dhe elegancë? ÇIZMET, SHALLI dhe PALLTOT marrin “SKENËN”

FLORIDONA ADEMAJ

Artikuj të ngjashëm Artikuj

Stili i nxehtë, që flet vetë

Mirëse vjen verë

Pak retro, shumë chic! Detajet marrin “pushtetin” në verë

Joni Peçi zbret Hënën e Tij në pasarelë

Me një veshje s’vjen PRANVERA!

SHKURTI I DASHURISË

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Doni ngrohtësi dhe elegancë? ÇIZMET, SHALLI dhe PALLTOT marrin “SKENËN”

FLORIDONA ADEMAJ

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?