Dokumentet e CIA-s: Në 1991, Amerikanët përkrahën Berishën përballë Gramoz Pashkos

Sali Berisha ka dominuar skenën politike shqiptare për më shumë se 2 dekada. Por vendimi i papritur i Departamentit Amerikan të Shtetit për ta shpallur “non grada” ka ndryshuar kursin e historisë. Berisha kërkon rikthimin e tretë si dominues në politikën shqiptare 3 dekada pasi mori udhëheqjen e opozitës shqiptare por kësaj radhe, ndryshe nga herae parë dhe e dytë, i papëlqyer nga aleati më i madh i shqiptarëve, amerikanët.

Zbulimi i dokumentacionit më të fundit arkivor amerikan zbulon arsyet e triumfit të Sali Berishës me ndryshimet demokratike të viteve 1990-1992. Marrëdhënia e Berishës me amerikanët ka qënë shpesh dashuri dhe urrejtje por  asnjëherë nuk kanë qenë më të rëndësishme se sa në fillimet e tyre, pikërisht kur Berisha zotëroi lidershipin e Partisë Demokratike në vitin 1991. Për herë të parë, revista “Newsbomb” zbulon një mori raportesh politike të Direktoratit të Inteligjencës në CIA-an amerikane të cilat janë përgatitur si materiale informuese për Presidentin amerikan në detyrë George H. Bush.