Dhjetori SHKËLQEN me Xixa e Pellush

Dhjetori është muaji kur moda merr një shkëlqim të veçantë. Dritat e festave, atmosferat e ngrohta dhe ngjyrat e pasura sjellin një energji që reflektohet edhe në veshjet tona. Koleksionet e këtij sezoni vendosin në qendër pëlhurat me shkëlqim, teksturat e buta dhe format që kombinojnë elegancën me komoditetin. Veshjet me pellush, trikot e trashë me motive dimri dhe pantallonat prej kadifeje rikthehen fuqishëm këtë muaj. Për netët festive, dizajnerët propozojnë fustane me elemente transparence të kombinuara me detaje brilantesh, perfekte për atmosferën e dritave të qytetit. Make-up-i i dhjetorit mbetet i fokusuar te buzëkuqi i kuq, tonalitetet metalike të syve dhe lëkura me shkëlqim natyral. Ndërsa aksesorët minimalistë prej ari e kompletojnë për mrekulli çdo look. Dhjetori na fton të luajmë me modën, të guxojmë dhe të krijojmë pamje që pasqyrojnë humorin festiv. Mbi të gjitha, është muaji perfekt për të shkëlqyer, në mënyrën më të sofistikuar. Në këtë artikull të revistës “Newsbomb” do të sjellin disa “outfits” dhe ku padiskutim fokusi janë festat e fundvitit, duke sjellë edhe disa ide për make –up festiv. GURËT dhe XIXAT në “pole-position” në veshjet për festat e fundvitit Festat e fundvitit janë momenti ideal për të veshur diçka më të veçantë dhe për të reflektuar stilin tonë në mënyrën më elegante të mundshme. Edhe pse trendet ndryshojnë çdo vit, disa veshje klasike mbeten gjithmonë zgjedhje e sigurt. Ato janë të thjeshta, të kuruara dhe të përshtatshme për çdo lloj feste, nga darkat familjare, deri te mbrëmjet më formale. Festat e fundvitit janë periudha ku tradita dhe eleganca bashkohen natyrshëm. Edhe njerëzit që zakonisht preferojnë veshje të thjeshta, në këtë sezon kërkojnë diçka me pak më shumë shkëlqim. Xixa të vogla, gurë të vegjël apo detaje të tjera që bien në sy do t’i shtonin akoma më shumë hijeshi veshjeve dhe do të krijonim një “look” tepër tërheqës. Padiskutim që nuk duhet të harrojmë edhe motivet e festave, të cilat do të na jepnin një pamje të ngrohtë dhe mjaft festive dhe për të bërë që të marrin akoma më shumë vëmendjen me outfit-in tonë. MAKE – UP festiv Nga hijet e syve në nuanca ari e argjendi, deri te buzët e kuqe, dhjetori sjell rikthimin e teksturave që pasqyrojnë dritën. Shkëlqimi është ideal për festa, duke krijuar një look të guximshëm dhe super elegant. Nuancat e manaferrës – bordo, kumbull, burgundy janë zgjedhja perfekte e dimrit për buzët. Ato shtojnë intensitet dhe sofistikim, sidomos kur kombinohen me një make up më minimalist të syve. Buzët e errëta janë gjithmonë fituese në party-t e fundvitit. Asgjë nuk thotë “festë” më shumë se sy me grim të ndritshëm. Linjat kreative, format “floating liner” dhe bishtat e dyfishtë po shihen gjithnjë e më shumë në tapetet e kuq të fundvitit. Ky trend i jep syve karakter dhe e bën çdo look më artistik. Në fund të fundit, make up-i në dhjetor nuk është thjesht stil… është atmosferë. Palltot prej PELLUSHI Në botën e modës, janë disa trende që rikthehen çdo vit, dhe palltot me pellush janë padyshim një ndër to. Të buta, të ngrohta dhe tepër elegante, këto pallto janë kthyer në një simbol të luksit praktik. Nga nuancat neutrale deri tek tonet e guximshme, palltot me material pellushi po shndërrohen në një pjesë bazike të gardërobës së dimrit, sidomos të këtij muaji. Ato ofrojnë kombinimin perfekt midis komoditetit dhe stilit modern, duke i dhënë çdo veshjeje një prekje të veçantë. Falë teksturës së tyre unike, palltot me pellush na bëjnë të dukemi të kuruara dhe trendi pa shumë mund. Ato janë një investim i zgjuar për këtë muaj dhe jo vetëm. Një nga arsyet pse këto pallto pëlqehen kaq shumë është fakti që përshtaten me pothuajse çdo stil. Mund t’i veshësh si për një ditë të zakonshme në punë, ashtu edhe për një dalje të mbrëmjes. Edhe kur veshja është e thjeshtë, palltoja shton menjëherë një pamje më të kuruar dhe më moderne. Si t’i kombinosh palltot me pellush: Për në përditshmëri një pallto pellushi në ngjyrë bezhë ose kafe të hapur kombinohet shumë mirë me xhinse dhe një pulovër të thjeshtë. Çizmet e sheshta ose atletet krijojnë një pamje praktike dhe të rehatshme. Për në punë një pallto pellushi në ngjyrë të errët (si e zeza ose gri) qëndron bukur me pantallona klasike dhe një këmishë të rregullt. Ky kombinim është profesional, por gjithsesi i ngrohtë dhe i rehatshëm për ditët e ftohta. Për mbrëmje një palltot me pellush duken shumë elegante kur vishen mbi një fustan të thjeshtë ose një set me fund. Më pas zgjedhja e një ngjyrë pak më të veçantë, si bordo ose krem, për ta bërë pamjen më festive.

Dhjetori SHKËLQEN me Xixa e Pellush

Floridona Ademaj

Artikuj të ngjashëm Artikuj

Stili i nxehtë, që flet vetë

Mirëse vjen verë

Pak retro, shumë chic! Detajet marrin “pushtetin” në verë

Joni Peçi zbret Hënën e Tij në pasarelë

Me një veshje s’vjen PRANVERA!

SHKURTI I DASHURISË

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Dhjetori SHKËLQEN me Xixa e Pellush

Floridona Ademaj

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?