Dan Hutra, vrasësi që urrente gratë

Riza e Mislime Hutra kanë sjellë në jetë një monstër, apo ai u bë i tillë përgjatë rrugës së tij të jetës? Deri në datën 1 mars 2021, Dan Hutra, 41 vjeçari i lindur në Kukës e banues në Paskuqan e kishte me letra të nxira skedën e vet kriminale. Që në moshën 17 vjeçare kur i vranë të atin, kishte tentuar të përdhunonte kunatën e kishte mbajtur peng ish vjerrën. Pasi kishte bërë burg, ishte martuar, por në 2007 e vrau bashkëshorten dhe donte të inskenonte krimin. Qëndroi 14 vjet në burg, por kur doli, doli me mendje të kthjellët për të vrarë sa më shumë gra, që siç u kuptua nga zhvillimi i ngjarjeve, nuk i duronte dot. Tragjedia ishte e shkruar në letra që pluhuroseshin sirtareve të drejtësisë së munguar, dhe askush nuk bëri gjë për të ndaluar masakrën më të madhe të një serial killeri gjakftohtë si ai…

Elena Hysa po kujdesej për foshnjën e saj 4 muajshe dhe po bisedonte qetësisht me nënën e saj Kujtimen, kur ish-bashkëjetuesi i saj, Dan Hutra, një ish i dënuar për vrasjen e gruas së parë kapërceu pragun e banesës një katëshe në rrugën “Rustem Haklaj”, në Kodër-Kamzë.