Damasku, kryeqyteti i paqes së humbur

“Cities died just like people,” shkruante Khalifa në shkrimet e tij të vitit 2017, kur Aleppo ishte në mes të luftës dhe ishte shënjestër e ISIS-it. Shkrimtari më i shquar sirian u nda nga jeta në shtator 2023, në moshën 59 vjeçare, dhe nuk pati mundësinë ta shihte realitetin e ri të Sirisë, ku qytetarët, me një forcë të paimagjinueshme, përmbysën atë që kishte mbetur nga regjimi i Bashar Al Assad, por sërish janë si në gjendje të një lufte civile, pa media ndërkombëtare, e pa dritare komunikimi.

Por ne, në Shqipëri, ndër ata pak që lexojmë, e kemi të skalitur një realitet sirian nëpërmjet veprës së tij. E kaluara, sipas Khalifës, është “arsyeja e vetme për të jetuar,” e rrëfyer “për hakmarrje ndaj të tashmes,” kaq të tmerrshme, sa është e pamundur ta mendojmë.