Bajram Begaj, Si e shohin ekspertët dhe miqtë Presidentin e ri

Mjeku dhe Ushtaraku vështirë të ndahen nga kostumi i Presidentit të ardhshëm. Miqtë japin vlerësime maksimale për anën humanitare të tij. A ishte stërvitja “Defender 21” që e çoi në zyrën e Presidentit? Ekspertët e komunikimit, tregojnë anën tjetër të kreut të ri të shtetit Më 25 korrik në karrigen e Presidentit do të ulet Bajram Begaj. 55 vjeçari nga Rrogozhina, është i pari mjek në historinë e Forcave të Armatosura që u bë gjeneral major. Këtë gradë madhore ia dha pikërisht Ilir Meta në korrik të vitit 2020-ës dhe atëhere, kreut të shtetit as që i shkonte në mendje se 2 vjet më vonë, gjeneral majori do e pasonte në detyrë. Mazhoranca u përpoq të tregonte se emri i Presidentit të ri do të dilte nga konsultimet me opozitën, shoqërinë civile apo propozimet në zarf të deputetëve socialistë, por në fund… u duk se emri i Bajram Begajt ishte në “zarfin sekret” të Ramës. “Do ta telefonoj dhe do të kem një takim sonte me të, nëse është në qytet”, tha Rama pas mbledhjes së Kryesisë para gazetarëve që për javë të tëra kishin vrapuar pas emrave që u kishin dhënë njerëzit pranë tij; nga Majlinda Bregu, te Ardian Dvorani. Bajram Begaj jo vetëm që ishte në qytet, por brenda një ore, i veshur me kostum, u shfaq në Kryeministri, tërësisht i gatshëm për detyrën e re përballë Kryeministrit që i pohonte se ai ishte kandidatura e duhur për ta ricivilizuar zyrën e Presidentit të Republikës. Aty për aty, Begaj iu zotua Ramës se do të ishte në lartësinë e detyrës. 3 QERSHOR, TAKIMI RAMA-BEGAJ NË KRYEMINISTRI “ Rama : Ju falenderoj që ju nuk shfaqët refuzim, por pranim. Do të jetë nder për ne që t’ju japim votën dhe të zgjidheni zyrtarisht President i Republikës. Begaj : Faleminderit kryeministër, është vlerësim shumë i madh të jesh president i një vendi. Do të parpiqem të jem gjithmonë personi i duhur për atë që përfaqëson ky post. Do të jem në lartësinë e detyrës, i përgjegjshëm në kryerjen e saj. Vij nga ushtria dhe mjekësia. Janë të dyja profesione shumë të mira, shumë të përkushtuara. Nëse do të votohem do jem i lumtur ta kryej detyrën me dinjitet. Rama : Ne kemi bindjen se ju do të jeni në lartësinë e kësaj detyre. Me thënë të drejtën, të gjithë ata që morën fjalën, folën me respekt dhe bindje që ju do të bëni më të mirën në atë detyrë. Uroj që të jeni deri në fund besnik ndaj shtetit. Begaj : Zoti Kryeministër, për ushtarakun, nderi, detyra dhe Atdheu janë motoja e punës ndaj besoj se do e përmbush me sukses dhe do jem 24/7 në shërbim të kësaj motoje!” Ky dialog i shkurtër mes tyre, u komentua gjatë… Për eksperten e Komunikimit Edlira Gjoni, në këtë bisedë me kryeministrin, presidenti i ardhshëm e shfaq veten të pozicionuar në rolin e një fitimitari të zënë në befasi, të papërgatitur, që mundohet të sigurojë atë që e zgjodhi se do bëjë çmos të legjitimojë zgjedhjen e tij. Në analizën e këtij komunikimi të shkurtër për revistën Newsbomb, Gjoni konstaton se presidenti i ardhshëm ka përdorur 17 herë variacione të fjalës “nuk do të të zhgënjej”, në format e vlerësimit, surprizës, shpjegimit të detyrës, lartësisë e lumturisë që ndjen, së bashku me detyrimin për ta justifikuar atë. Për eksperten e komunikimit, ka ngushti leksikore, lënë në hije nga detyrimi gjuhësor për të shprehur mirënjohjen. Kurse theksimi i profesioneve në fjalinë e dytë, tregon disiplinën e përvetësuar për të nxjerrë sidoqoftë në pah edhe ndjenjën parësore të një ushtaraku: shërbimin. Megjithatë, thotë ekspertja, gjuha e presidentit të ardhshëm në këto pak përgjigje, mund të dekodohet lehtë si një zgjedhje e thjeshtë për t’i qëndruar besnik zonës së sigurisë në tekst e mendim, me përforcime të panevojshme shtjelluese e nënrenditëse që zgjasin dëshirën e tij për të bindur bashkëbiseduesin se ka nevojë të fitojë besimin e tij. “Gjuhë e kujdesshme dhe diplomatike, pa vend për retorika politike”, konstaton Gjoni. Gjuha e trupit është një tjetër element që mori vëmendje në takimi mes Ramës dhe Begajt. Pedagogu i komunikimit Erlis Çela thotë se Presidenti i ri i vendit, ka një paraqitje të rezervuar publike, për rrjedhojë është vështirë të analizosh prezencën e tij përballë kamerave dhe publikut. Megjithatë në dy daljet e tij të para, ai identifikon disa elemente të gjuhës joverbale. Në takimin e tij të parë, presidenti i zgjedhur shtrëngon duar me kryeministrin e vendit. Nga pamja duket dukshëm se kryeministri Rama qëllimisht, shkel hapësirën personale të presidentit duke u afruar në një distancë të afërt. Duke iu referuar teorisë së shkeljeve të pritshmërive të autores Judee Burgoon, pedagogu Çela konstaton se kjo sjellje në komunikimin ndërpersonal shkakton një tërheqje të presidentit duke e vënë atë në një pozicion jo komfort. Më pas qëndrimi i tij me duar të bashkuara përmbi gju, me pozicionin e trupit të përkulur disi para, përballë kryeministrit, i cili pasi ka fituar “betejën e parë” në komunikimin jo verbal, është vendosur qartazi në një pozicion tepër të rehatshëm, i mbështetur në kolltuk dhe me trupin e çtendosur, krijon përshtypjen se presidenti është në një pozicion inferioriteti që sipas pedagut, përcjell mesazhin se ai ndihet i detyruar për “nderin” që i ka bërë kryeministri. Momenti i dytë që ra gjithashtu në sy është shtrëngimi i duarve pas votimit në Kuvend. Presidenti i sapozgjedhur u zgjat nga llozha për t’i dhënë dorën Kryeministrit. Për pedagogun e komunikimit, shtërngimi i të dyja duarve kryeministrit është një shenjë “mirënjohjeje” e ekzagjeruar nga ana e presidentit të zgjedhur. Nga ky moment sërish kemi mesazh të nënkuptuar që tregon për nevojën që ndjen presidenti për të shlyer “nderin” e bërë nga kryeministri. Ai dukshëm do të tregojë se ka detyrim mirënjohjen personale ndaj kryeministrit. PRESIDENCA E RE E BEGAJT Por zbatimi i protokollit për Bajram Begajn fillon tani, me betimin në Kuvend. Gjasat janë që Presidentin e ri ta shohim rrallë në media. Të paktën jo për të kundërshtuar e për të akuzuar qeverinë që me një ligj apo me një tjetër, po shkel Kushtetutën. Presidenti do flasë me dekrete. Kush e njeh dhe e ka parë të veprojë në pozicione të tjera drejtuese, si në mjekësi, ashtu dhe në ushtri, thotë se para se të arrijë te beteja, Bajram Begaj tenton të negociojë. Që do të thotë, se ka më shumë gjasa që të shkojë të flasë me Ramën për ta bindur që të tërhiqet nga një ligj sesa ta kthejë mbrapsht atë e të krijojë një konflikt. Për disa, kjo tregon se Presidenti i ri do të jetë nën “ombrellën” e kryeministrit, por për të tjerë, ky do të jetë normaliteti i munguar. Begaj nuk është mësuar të mos i respektojë institucionet. Metën, deri dje e ka pasur Komandant të Përgjithshëm të Forcave të Armatosura. Nga ana tjetër, Meta e ka dekretuar njëherë si gjeneral e pastaj si Shef të Shtabit të Forcave të Armatosura ndaj për shumëkënd nuk kishte asnjë surprizë në faktin që ai firmosi nga Stambolli edhe dekretin e shkarkimit dhe i hapi rrugën për t’u zgjedhur President. KUSH ËSHTË BAJRAM BEGAJ Bajram Begaj ka një karrierë 31 vjecare të ndërthurur mes mjekësisë dhe ushtrisë. Ai rrjedh nga një familje e zakonshme shqiptare, dy prindër që i kanë mesuar t’ia dalë vetë në jetë pasi as njëri dhe as tjetri nuk e ka pasur rrugën e shtruar. Është i martuar me zonjën Armanda Begaj dhe janë prindër të dy djemve, të dy mjekë të rinj që shkollimin nuk e kanë bërë në Shqipëri, por në Gjermani. Ai ka përfunduar doktoraturën në Mjekësi dhe ka mbajtur një sërë postesh me rëndësi. Ka shërbyer si Komandant i Komandës së Doktrinës dhe Stërvitjes, Shef i Njësisë Mjekësore Ushtarake, Drejtor i Spitalit Ushtarak, Drejtor i Inspektoratit Shëndetësor, dhe së fundmi, Shef i Shtabit të Forcave të Armatosura Shqiptare. Por si rrinë ushtaraku dhe mjeku te Bajram Begaj? Në pamje të parë duket sikur ushtaraku është në krahun tjetër të anës humane, por miqtë e tij thonë se ajo që e veçon Bajramin është pikërisht humanizmi. Drini Nikolli, ish-ushtarak, e ka njohur doktorin në një rast specifik. Atëkohë, Bajrami ishte drejtor i Spitalit Ushtarak dhe Drini shkon t’i kërkojë ndihmë për një ushtar të ri, të sëmurë rëndë. “Çfarë më bëri përshtypje ishte ndjeshmëria e tij njerëzore, njëjtë siç duhet ta ketë një mjek që ka bërë betimin e Hipokratit. Rasti i ushtarit ishte vërtet delikat dhe në Shqipëri nuk na jepnin shpresa për jetën. Turqia dhe Greqia atë vit jepnin për 30-40 individë shërbime falas. Por nuk ishte aspak e lehtë sepse ato shërbime ruheshin për ushtarakë të gradave të larta, dhe pse jo, politikanë. Ushtari në fjalë nuk i kishte ato grada, por kjo nuk e pengoi Doktor Bajramin të bënte të pamundurën”, thotë Drini. Ai kujton se Bajrami e vizitoi vetë atë ditë ushtarin dhe i premtoi se do e çonte për ndërhyrje jashtë. Sot e kësaj dite, ushtari falenderon Drinin që është në jetë, ndërsa Drini falenderon doktor Bajramin për ndihmën që i dha një të riu pa grada e pa para. Edhe doktor Hekuran Braho, një nga miqtë më të mirë të Bajramit, humanizmin ia dallon mbi gjithçka. Normat, rregullat dhe ligjet janë shtyllat mbi të cilat është mësuar të jetojë përditshmërinë e tij Presidenti i ri. “Ka çarë vetë në jetë, pa asnjë lloj përkrahje. Me korrektësi dhe urtësi ka përballuar çdo situatë. Rruga e tij e vetme është ligji”, thotë me gojën plot dhe me krenari Hekurani për mikun e tij. Ai pohon se jo vetëm do mësohemi me natyrën e qetë dhe institucionale të Begajt, por do duam ta shohim gjatë në Presidencë. “DEFENDER 21”, STËRVITJA QË E BËRI BAJRAM BEGAJN PRESIDENT? Figura e Bajram Begajt spokati veçanërisht në stërvitjen më të madhe ushtarake të 30 viteve të fundit që u organizua në vendin tonë, “Defender 21”. Si Shef i Shtabit të Përgjithshëm të Ushtrisë, ai ishte njeriu përgjegjës që mirëpriti 1 mijë trupa për realizimin e stërvitjes në tokë, ajër dhe det. Bajram Begaj u kujdes për çdo detaj, organizimin, logjistikën, ecurinë, raportimin sa te ministri e sa te Kryeministri që donte të sigurohej se gjithçka po shkonte siç duhej. Për suksesin e “Defender 21” ai mori vlerësime të mëdha edhe nga gjeneralë të lartë amerikanë. Pak ditë para se të zgjidhej President, Begaj sapo ishte kthyer nga një takim në Pentagon me Shefin e Shefave të Shtabit të Bashkuar të Ushtrisë amerikane, Mark Milley. Nga ky takim, ai erdhi bashkë me lajmin se Shtetet e Bashkuara i kishin dhënë ushtrisë shqiptare 17 milionë dollarë. Vlerësimi i amerikanëve por dhe i vetë ambasadores Yuri Kim u duk edhe menjëherë pas votimit të Begajt në Parlament. “Si Shef i Shtabit të Përgjithshëm, ai kontribuoi në mënyrë domethënëse në bashkëpunimin midis SHBA dhe Shqipërisë në fushën e mbrojtjes. Ne presim me kënaqësi që të vazhdojmë të punojmë me të në detyrën e tij të re dhe të forcojmë më tej partneritetin midis vendeve tona”, shkruante ambasada amerikane. Pas kësaj, ishte e qartë se në 78 vota pro për Bajram Begajn, 4 kundër dhe 1 abstenim, kishte edhe një “VOTË PRO” amerikane. Gjeneral Begaj u zgjodh President i Shqipërisë në një moment kur NATO dhe siguria janë kryefjalë. Madje, kryeministri Rama i ka propozuar Aleancës Euroatlantike të ketë një bazë të saj detare në Porto Romano. Vështirë të thuhet sesa kohë mund të dojë realizimi i këtij projekti, por deri atëherë, një gjë është e sigurtë: marrëdhënia institucionale Kryeministri-Presidencë do të rrjedhë në ujëra të qeta.

Bajram Begaj, Si e shohin ekspertët dhe miqtë Presidentin e ri

Nga Anta Muçaku

Artikuj të ngjashëm Artikuj

Nano, beteja e një jete

Zonjat e “Prime Time”

Saga e dhimbjes e familjes MULLETI

LILI CINGU, KËMBËT QË VALLËZOJNË ENDE

Një “gjuetar goli” si Jasir Asani

Tigri nxjerr dhëmbët, drejton gishtin drejt Veliajt

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Tigri nxjerr dhëmbët, drejton gishtin drejt Veliajt

Gjiri i Kakomesë, “Bukuroshja” e braktisur bëhet gati për TURIZËM

MARK PALNIKAJ, INXHINIERI QË “ZHVARROS” ARKIVAT E VATIKANIT

Gratë që vunë përpara burrat

Inva Mula: Unë sopranoja e parë shqiptare në skenat evropiane

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Bajram Begaj, Si e shohin ekspertët dhe miqtë Presidentin e ri

Nga Anta Muçaku

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?