Haga e Kosovës shpërdoroi drejtësinë e Kosovës

Reputacioni i Gjykates Ndërkombëtare të Hagës është në bjerrje tronditëse në raportet ndërkombëtare, por sidomos në arenën botërore. Shtete të ndryshme, kryesisht krerë shtetesh, kane refuzuar bashkëpunimin, japin prova mosnjohjeje të vendimeve të kësaj gjykate dhe nuk kanë munguar edhe aktet arrogante të injorimit të vendimeve të saj. Një seksion i mëvetësishëm pranë këtij institucioni, i krijuar falë një presioni shumëpalësh ndërkombëtar mbi palët politike dhe legjislatorët e Kosovës, i financuar nga Republika e Kosovës dhe jo vetëm, funksionon si institucion i Kosovës “ rezidente” në Hagë.

Gjykata Speciale e Hagës, në pesë vitet e fundit, ka krijuar rastet e një asimetrie tronditëse në marrëdhënien dhe raportet mes xhelatëve që ideuan, ushtruan dhe administruan genocidin etnik mbi shqiptarët e Kosovës dhe viktimave që për veprën e tyre çlirimtare anti-genocid, janë vënë në darën e proceseve të padrejta dhe të diskredituara, tashmë. Gjykata Speciale mban në paraburgim krerët më të rëndësishëm zyrtarë të ish UÇK, formacionit ushtarak që doli nga vullneti i popullit shqiptar kur masat represive dhe genocidi serb arritën kulmin tragjik të spastrimit masiv të shqiptarëve etnikë.