Shkëlqe dhe bëhu një me magjinë e festave

Gëzuar festat e fundvitit lexuesve të NEWSBOMB.al dhe të gjithë shqiptarëve në çdo cep të globit! Një vit sa më i mbarë, duke jetësuar ëndrrat në sirtar dhe dëshirat që ju vlojnë në zemër! (Qoftë këtu edhe lutjet që të keni kursyer mjaftueshëm gjatë vitit, për t’i shtuar garderobës tuaj një mini bag CHANNEL :P). Këtë dhjetor vish ngjyrën që të shkëlqejnë sytë sapo e sheh dhe vendos aksesorët që mbartin një kuptim të veçantë për ty, vetëm ato aksesorë të japin bindjen sikur shkojnë me çdo gjë… Ju shkoi edhe ju mendja tek ajo shprehja e Charles Bukowskit: “Unë do të doja një dhjetor me drita të fikura dhe njerëz që ndriçojnë”?!

Dhjetori është muaji më “përrallor” i vitit falë festave, zbukurimeve, dhuratave dhe manifestimit të një viti të tërë me arritje personale apo profesionale qofshin ato. Ndaj këtë herë nuk do t’ju këshilloj të bëni blerje të zgjuara por ta bëni tuajën veshjen të cilën dëshironi pa u menduar dy herë.