Zonjat e “Prime Time”

Shqiptarët do të mësohen me imazhin e Gridës, Erlës, Enit, Betit e Pranverës. Të pesta premtojnë se do të jetë një sezon i paharruar debatesh publike e politike. Studiot e tyre, secila pretendon që të mos i kthejë në një ambient sherrnaje e tymnaje, por qartësie mendimi e lirie të shprehuri. E siç dukshëm mund ta vini re, Grida nga deputete e PD u kthye në gazetare, Erla nga zëdhënëse e Berishës mori podin e moderatores, Beti nga gazetare e ka sfidë të re këshilltaren e PD në bashkinë e Tiranës ndërsa Eni e Pranvera e mbajnë të pacënuar pozicionin e raportimit. A do t’ia dalin vajzat e “Prime Time” ndaj gazetarëve meshkuj që i sfidojnë në disa ekrane të tjera? Kjo pritet të shihet në emisionet e këtij sezoni. Megjithatë, për Newsbomb.al secila prej tyre ka diçka për të thënë…

Teksa vera e nxehtë bashkë me zhvillimet politike po harron të ikë, vjeshta ka nisur vrullshëm në ekranet shqiptare. Sezoni i ri televiziv ka startuar, ashtu sikurse pilotët që tentojnë të kapin sa më parë vijën e finishit. Emisionet “Prime” premtojnë se do dalin përtej bulevardit të institucioneve apo jetës parlamentare.