Gusht e gunë…

Kështu thuhej dikur me të hyrë muaji gusht. Edhe pse jemi në fund të verës, ende me thënë të drejtën nuk jemi gati për të paketuar kanatjerët e fustanet me rripa, sepse temperaturat e larta vazhdojnë të jenë ende prezente në të gjithë vendin (dhe jo vetëm). Ju do thoni po ti pse me xhaketë?! Fillimisht kam zgjedhur një xhaketë lino, me ngjyra të pastra verore (e kaltra është e preferuara ime) dhe së dyti është ideale për mbrëmjet e frekësta për ta veshur qoftë me pantallona lino ose edhe me xhinse të shkurtra. Megjithatë në vijim ju do t’ju japim disa këshilla se si të visheni në këto ditë të fundit të gushtit. Shfrytëzojini dhe pak ditë se vitin tjetër jam e sigurt që do t’ju dalin nga qejfi këto outfite… ( Të paktën unë nisem nga eksperienca ime)