E pse duhet të vishemi në verë?!

Përveç vapës pak acaruese le ta pranojmë që të vishesh bukur në verë është shumë qejf. Kam gjithë dimrin që po shkruaj për ditët e ngrohta dhe ja më në fund i kemi (ok jo kaq të nxehta) por edhe më mirë se palltot 10 kg në trup, preferoj më mirë këto rreze të nxehta të diellit.

Vera është stina e qejfit, e rehatit dhe mbi të gjitha e çmendurive kështu le të jenë edhe veshjet tuaj, të rehatshme, komode, aq sa t’ju duket sikur s’keni asgjë në trup… Jam e sigurt që për të gjitha fashionistet kjo verë do të mbahet mend gjatë, pasi do të jetë stina e ngjyrave, crop-eve dhe e gjërave të tejdukshme…