80 vjeç Çlirim, çfarë zbuluan britanikët për largimin e mistershëm të gjermanëve

Një dokument tepër interesant i Inteligjencës ushtarake britanike del në dritë në lidhje me çlirimin e plotë të Shqipërisë në nëntor, 1944 nga trupat gjermane. Sipas këtij dokumenti të shërbimeve sekrete ushtarake britanike, nuk u bë e qartë dhe nuk u saktësua dita se kur Shqipëria u çlirua plotësisht nga armiku. Ky dokument vjen nga një raport i një oficeri të Inteligjencës britanike, Dickinson, i cili u dërgua në Shqipëri në datën 22 nëntor bashkë me britanikë të tjerë, për të mbledhur informacion mbi sjelljet e trupave gjermane dhe tërheqjen e tyre.

Misioni special dhe i fshehtë britanik kërkonte të zbulonte nëse informacioni i marrë, sipas të cilit gjermanë në masë duan të dezertojnë, ishte i vërtetë ose i gabuar. Në lidhje me këtë operacion në terren, u informua posaçërisht Enver Hoxha, i cili lejoi trupën speciale britanike, por që, në fakt, ata dështuan në marrjen e informacionit të kërkuar, për shkak se nuk u lanë të punojnë nga brigadat partizane në veri në vendit.