Margarita Xhepa sezoni i një DAME

Margarita Xhepa: Atëhere dhe tani

Margarita Xhepa: E mrekullueshme në çdo moshë!

Margarita Xhepa, sezoni i një dame

Margarita Xhepa nuk plaket kurrë

Margarita Xhepa do të jetë gjithmonë! Për ikonën e artit shqiptar nuk ekziston fjala “na ishte dikur” …Zonja e teatrit dhe filmit shkëlqen si “margaritar “ nëçdo stinë të jetës dhe duket sikur formulën magjike të rinisë do ta ketë përjetësisht aleate të sajën. Me Margarita Xhepën isha takuar në vitin 2010, (asokohe isha reportere në Agjensinë Telegrafike Shqiptare) dhe e shoqërova për në shtëpi pas premierës së filmit “Ne dhe Lenini”, ku Xhepa ishte një nga protagonistet kryesore të filmit të regjisorit Saimir Kumbaro. Dhe ja ku jemi sot fiks pas 12 vitesh, unë jo më poshtë pallatit të saj,por në shtëpinë e saj (me maskë) ku do të flasim gjatë për atë ç’ka ka ndodhur në këto 12 vite të karrierës së saj dhe jo vetëm. Ajo më tregon se është ruajtur shumë përgjatë periudhës së pandemisë dhe deri tani nuk është prekur nga virusi global që i mori jetën miliona njerëzve në botë.“Nuk më ka zënë covid-i, jam ruajtur. Kam patur shumë kujdes, kam bërë dy vaksinat madje edhe të gripit. Kjo është një pandemi globale, ndaj duhet të ruhemi…”, thotë artistja e madhe e skenës shqiptare e cila pjesën më të madhe të kohës e kalon në shtëpi duke lexuar. E në fakt një nga detajet që doja të ndaja me publikun është se apartamenti i saj i vogël është i mbushur plot me libra e çmime.