Todi e Fatos LUBONJA,13 vitet e burgut pa asnjë takim

Ai ishte vetëm 23 vjeç, babai i dy foshnjeve, më e madhja 1 vjeç e gjysmë, kur u akuzua e burgos politikisht nga regjimi i Enver Hoxhës. Dy ditë pas tij, burgoset edhe i ati, atëherë 51 vjeç, po si kundërshtar i regjimit. Vetëm pas 13 vitesh at e bir, u takuan me njëri-tjetrin, por sërish në kampin-burg të Spaçit, ku vazhdonte të vuante dënimin i biri. Një histori, thuajse e paimagjinueshme në kohët ku jetojmë, por e zakonshme në ato vite, pasi fatin e tyre e kanë pasur me mijëra familje shqiptare. Bazuar në dokumentet e lexuara në Autoritetin për Informimin mbi Dokumentet e ish-Sigurimit të Shtetit, do t’ju sjellim sot bisedën e zhvilluar në takimin e parë të Fatos Lubonjës me prindërit më 23 korrik të vitit 1987 në kampin-burg të Spaçit, ditën e parë të lirisë së Todi Lubonjës, si dhe një letër kjo e  shkruar nga Fatosi në burgun e Burrelit pas transferimit nga Spaçi, drejtuar prindërve të tij, e cila është më shumë një shpërthim emocionalo-filozofik i mendimeve të tij, të vetmet që mbanin statusin “i lirë” në atë izolim të gjatë dhe të mundimshëm.